O día da solemnidade da Santísima Trindade, o domingo 7 de xuño, é a Xornada Pro orantibus. Nela órase por quen oran continuamente polos demais: homes e mulleres consagrados á vida de contemplación, que é ao mesmo tempo unha vida oculta e fecunda para o mundo e móstranos a luz de Deus, sobre todo cando a humanidade vive intres escuros.
Con este motivo, agradécese a Deus esta necesaria forma de consagración. Igualmente, faise patente o compromiso para coñecer mellor a vocación contemplativa.
O lema deste ano é «Con María no corazón da Igrexa».
Presenza na Diocese de Lugo de homes e mulleres consagrados á vida de contemplación
Mosteiros de vida contemplativa
- carmelitas descalzas (Lugo),
- salesas (Lugo),
- agustinas (Lugo);
- clarisas (Monforte de Lemos).
- bernardas (Ferreira de Pantón)
- benedictinos (Samos)