A cuarta edición da Xornada Mundial dos Pobres é o domingo 15 de novembro para lembrar que os pobres están e estarán sempre connosco (cf. Xn 12,8) para axudar a acoller a compañía de Cristo na vida cotiá de cada católico consecuente. O lema deste ano está tomado do libro do Eclesiástico: “Estende a túa man ao pobre”. Facelo permite descubrir, en primeiro lugar, a quen o fai, que dentro de nós existe a capacidade de realizar xestos que dan sentido á vida.