Xoán Paulo II

O domingo 9 de agosto ás 12:30 h na Parroquia de Santa Mariña de Chantada terá lugar a bendición dunha imaxe de San Xoán Paulo II. Será na Misa principal da Parroquia, que terá carácter solemne e estará presidida polo Sr. Bispo D. Alfonso Carrasco Rouco. Cantará a Coral Polifónica de Chantada.

O autor da imaxe é do artista viveirense José Luis Neira Brochs. Trátase dunha talla de 1,80 m de cerámica, barro cocido e pintado a 1000 graos de temperatura. Está na entrada da igrexa a man dereita.

O ano pasado na capela da igrexa de Santa Mariña inaugurouse o mural da Última Cea, que tamén é obra de Neira Brochs

O sábado día 22 ás 19.00 hrs. hai unha Eucaristía Solemne en honra a San Xoán Paulo II na Capela-Santuario de Nª Sª de Montserrat (Donramiro). Estará presidida por Monseñor Carrasco Rouco, Bispo de Lugo, e concelebrarán varios sacerdotes da zona e o Reitor do Seminario Diocesano.

Rematada a Eucaristía, o Bispo manterá un encontro cos nenos e nenas que participan na catequese parroquial.

A RELIQUIA DO SANTO EN DONRAMIRO

No pasado mes de febreiro e a petición do Bispo de Lugo, a Santa Sé concedeu unha reliquia de primeiro grao do santo polaco. Foi a primeira reliquia deste santo concedida a unha parroquia en Galicia e a única na Diocese de Lugo.

Esta reliquia -varios cabelos do Santo- estará exposta perpetuamente no santuario lalinense.

[Sobre a devoción a San Xoán Paulo II e a Virxe de Montserrat en Donramiro]