Virxe Milagrosa

O domingo 4 será un dos días máis esperados das festas do barrio lucense da Milagrosa, xa que ás 12 h terá lugar a misa solemne na igrexa da Milagrosa, seguida da procesión.

Co lema “Compartir fainos medrar” desde o día 26 de agosto está organizándose no salón parroquial un mercado solidario, que permanecerá aberto ata o 7 de setembro. Hai produtos artesanais, alimenticios, libros… A finalidade é recadar fondos para a atención ás familias necesitadas, entregando uns 100 vales de material escolar. Ademais desta campaña de axuda á volta ao colexio, tamén se procuran fondos para mellorar as instalacións da Parroquia. O horario de apertura do mercado solidario é de 18 h a 20:30h.

VENRES 27. DÍA DA MILAGROSA
Como remate da Novena na honra da Virxe Milagrosa, o venres celébrase na Parroquia da Milagrosa o Día da Nosa Señora da Medalla Milagrosa.  Misa ás 10:00 e as 19:30h. [Rosario ás 19:00]. Recórdase que nestes intres o aforo máximo permitido é de 130 persoas.

CAMPAÑA DE NADAL 2020. BECAS «APADRIÑA UNHA FAMILIA»
Este ano, a pandemia e a situación sanitaria que estamos a vivir impide levar a cabo a Cea como nos anos anteriores. No seu lugar, para continuar exercitando a solidariedade, relánzase a iniciativa “Apadriña unha familia”. Un programa no que se leva traballando varios anos, e que nestes intres, enfócase a conseguir fondos para unha axuda extraordinaria ás familias que son acollidas na Parroquia da Milagrosa. Preténdese levar apoio, compañía, cercanía e comprensión a todas as persoas e familias que máis o necesitan na comunidade parroquial. Para colaborar con esta campaña solidaria de Nadal un pode facerse con tickets de Becas por 6€ que se facilitan na igrexa e no despacho parroquial.
Igual que os anos anteriores, tamén se vende lotaría de Nadal de Cáritas Parroquial e da Parroquia.

CAMPAÑA DE FIRMAS
A Asociación de Veciños de Albeiros promove unha campaña de recollida de firmas para conseguir unha rúa en Albeiros na honra de D. Luís Soto Camino, fundador e primeiro párroco da Parroquia de Albeiros.

CONFIRMACIÓNS
O vindeiro sábado 28 de novembro, ás 12:30h. o Sr. Bispo da Diocese confirmará a 15 mozas e mozos da parroquia da Milagrosa, San Lázaro da Ponte e Rábade, que viron retrasado o sacramento por mor da situación sanitaria no maio pasado.

A Parroquia de San Froilán (Lugo) celebra até o 27 de novembro unha solemne Novena na honra da Santísima Virxe da Medalla Milagrosa, que preside o reitor do Seminario D. David Varela.

O horario é o seguinte:

19:15 h Santo Rosario e exercicio piadoso da Novena

19:30 h Celebración eucarística

O día 27, festa da Virxe da Medalla Milagrosa, celébrase Misa solemne ás 19:30 h.

Pola súa parte, na igrexa da Milagrosa (Lugo) celébrase do 19 ao 27 de novembro a Novena na honra da Virxe Milagrosa:

– Rezo do Santo Rosario ás 19:00 h. (Domingos ás 18:00)

– Eucaristía ás 19:30 h (Domingos as 18:30)

– Exposición do Santísimo despois da Misa: martes 19, venres 22 e martes 26

– Confesións de 19 a 19:30 h (Domingos de 18 a 18:30).

– Ofrenda Floral á Virxe o 27 de novembro

Na Parroquia da Milagrosa celébrase a Novena en honra da patroa co seguinte horario: Rezo do Rosario ás 19h (domingos ás 18h); Eucaristía ás 19:30h (domingos ás 18:30h); confesións antes da Misa, exposición do Santísimo despois dela.

• Domingo 19 de novembro. Día da Catequese. “Ide e anunciade o evanxeo”.

  Preséntase a María toda a tarefa da catequese

• Luns 20. Día da Muller.

  Preséntanse a María as vítimas da violencia machista

• Martes 21. Día do maior e do enfermo.

  Preséntanse a María as persoas maiores e os enfermos. Rézase por eles e con eles para combater a soidade e o sofrimento.

• Mércores 22. Días das vocacións.“A mies é abundante, os traballadores son poucos”

  Preséntanse a María os nosos seminaristas e que nos conceda a graza de novas vocacións.

• Xoves 23. Día de Cáritas. “Amade o próximo como a un mesmo”

  Preséntanse a María os nosos irmáns necesitados.

• Venres 24. Día da mocidade.

  Preséntase a María a nosa mocidade, esperanza da Igrexa e do mundo.

• Sábado 25. Día da familia.

  Preséntase a María a realidade das nosas familias.

• Domingo 26. Día da Eucaristía.

  Preséntase a María a nosa parroquia e as necesidades da Diocese.

• Día 27. Día da Milagrosa.

  Preséntase a María o noso recoñecemento e acción de grazas.

Pola súa parte, a Parroquia de San Froilán, (Lugo), comeza unha solemne Novena en honra da Virxe da Medalla Milagrosa. A partir das 19:15 h comézase co Rosario e exercicio pidadoso da Novena, para seguir ás 19:30h coa celebración eucarística. Preside Alejandro Pin Díaz. O día 27, festa da Virxe da Medalla Milagrosa, hai Misa Solemne ás 11 da mañá.