Vida Consagrada

Xornada Mundial da Vida Consagrada

A celebración deste ano para a Xornada Mundial da Vida Consagrada na Diocese de Lugo será na Santa Igrexa Catedral ás 12.00 horas do sábado 1 de febreiro de 2020. Presidirá a celebración o Sr. Bispo, Don Alfonso Carrasco Rouco.

Celébrase a Xornada da Vida Consagrada baixo o lema “A vida consagrada con María, esperanza dun mundo sufrinte”.

As persoas de especial consagración, coas súas palabras, coas súas accións, pero sobre todo coas súas propias vidas, anuncian esperanza. E o será sempre que aprenda de María e con María, Nai da Esperanza, a esperar só en Deus.

As persoas que viven unha especial consagración a Deus están chamadas a ser, con María, mestras e testemuñas da esperanza.

[Mensaxe da presidencia da CONFER para a Xornada Mundial da Vida Consagrada 2020]

[Materiais da Comisión Episcopal para a Vida Consagrada]

Xornada da Vida Consagrada

A Xornada da Vida Consagrada celébrase anualmente cada 2 de febreiro, coincidindo coa festa da Presentación do Señor. La Confederación de Relixiosos de Lugo organiza unha Eucaristía na Catedral.

É un día de especial agradecemento ao Pai noso e a cada consagrado, que coa súa vida é presenza do amor de Deus.


Esta xornada persegue unha tripla finalidade:

1. responder á íntima necesidade de loar máis solemnemente ao Señor e agradecerlle o don da vida consagrada. Os consagrados enriquecen a comunidade cristiá cos seus carismas e cos edificantes froitos da súa entrega á causa do Reino.

2. promover en todo o Pobo de Deus o coñecemento e a estima da vida consagrada porque está ao servizo da consagración bautismal de todos os fieis.

3. celebrar dunha maneira unida e solemne as marabillas que o Señor realizou nas persoas consagradas.

Xornada da Vida Consagrada: celebración no Corpiño

O sábado 3 de febreiro tivo lugar no Corpiño a celebración da Xornada da Vida Consagrada. Ata o santuario mariano acudiron membros das congregacións relixiosas da Diocese para celebrar o seu día á vez que gañaron o xubileu. Ás 12 h o bispo Mons. Alfonso Carrasco Rouco presidiu a Eucaristía. Acompañábao o Vicario Xeral Mario Vázquez Carballo e varios sacerdotes, entre os cales atopábase o Reitor do Santuario.

[Homilía do Sr. Bispo]  [Álbum de fotos]

 

Celebración no Corpiño da Xornada da Vida Consagrada

O sábado 3 de febreiro terá lugar no Corpiño a Xornada da Vida Consagrada. Ata o santuario mariano acudirán membros das congregacións relixiosas da Diocese para celebrar o seu día á vez que gañan o xubileu. Ás 10 da mañá sae un autobús diante do Seminario de Lugo para ir ao Corpiño, onde ás 12 h se celebrará unha Eucaristía presidida polo bispo Mons. Alfonso Carrasco Rouco. Ás cinco da tarde o autobús regresa ao punto de partida.

Os consagrados son testemuño vivo de que o amor de Deus chega a todo recuncho da terra e do corazón humano, ás periferias xeográficas e existenciais. A vida consagrada é a resposta do encontro persoal con Deus, que se fai envío e anuncio. Esta Xornada debe ser unha ocasión para promover o coñecemento e a estima da vida consagrada como forma de vida que asume e encarna o encontro co amor de Deus e cos irmáns, manifestado na entrega profética desde cada carisma fundacional.

Nesta Xornada Mundial da Vida Consagrada dáse grazas a Deus por todas as persoas de especial consagración, que desde as diversas vocacións e formas de vida e servizo son presenza elocuente do amor de Deus no mundo.

[Materiais da Conferencia Episcopal]

Testemuños de sor Amparo (Filla da Caridade) e sor Inés (Agustina)

No recente Encontro Interdiocesano de Radio María Galicia, celebrado no Seminario de Lugo, a Filla da Caridade sor Amparo deu o seu testemuño:

“Son moi adicta á audición de Radio María. Hai programas que nunca deixo de escoitar. Debido ás ocupacións, ás veces non me resulta posible escoitala pero deixo unha gravadora e escóitoa cando podo. Gústame moito, e ademais penso: son 24 horas ao día! Considero que aos enfermos e a persoas solitarias, isto ten que chegar moito.”

Sor Amparo leva máis de 60 anos de vocación como Filla da Caridade de San Vicente de Paúl.

Pola súa parte, a agustina recoleta sor Inés Lamazares protagonizaba a semana pasada unha reportaxe en El Progreso (15/08/2017) no que falaba dos toques de campás dos que se leva encargando no mosteiro da Inmaculada (praza de Santo Domingo, Lugo) desde hai 70 anos. Un deses toques é o único que soa no casco histórico de Lugo para algo distinto da hora: cada día ás 14:55h avisa do rezo da hora nona.

A %d blogueros les gusta esto: