solidariedade

Carreira solidaria en apoio ao Centro San Vicente de Paúl

O Centro Residencial San Vicente de Paul, para persoas dependentes con discapacidade intelectual, AFADI (Asociación de familiares e amigos de persoas con discapacidade intelectual) e o deportista Óscar Domínguez Rodríguez, con ampla experiencia en eventos solidarios, organizan unha carreira solidaria de 50 horas, ao longo da Muralla romana de Lugo. O acto comeza o 24 de maio ás 9:00 horas e remata o 26 de maio ás 11:00 horas e desenvólvese baixo o lema “Enchendo de vida cada paso”

Trátase de mellorar a calidade de vida das persoas con discapacidade intelectual e, na medida do posible, recuperalas e promovelas co fin de brindarlles apoio para mellorar a súa autonomía e facilitar a súa inclusión social e laboral. E o obxectivo do evento tamén é visibilizar esta realidade na cidade de Lugo.

Co recadado cubriranse as seguintes necesidades:

  • Material para favorecer a estimulación (1.451€)
  • Mobiliario especializado (4535€)
  • Equipamento sala Snoezelen (2.080€)
  • Programa de lecer: actividades deportivas, estivais e de inclusión social. (3.450€)

Solidariedade con Ucraína

A Igrexa Diocesana de Lugo quere agradecer a avalancha de solidariedade que durante estes días está a recibir de centos de persoas que se están achegando ás parroquias e aos distintos puntos de atención que Cáritas Diocesana de Lugo ten ao longo da Diocese para realizar unha doazón e apoiar ao pobo ucraíno que tanto está a sufrir.

Grazas ás doazóns recibidas realizouse un primeiro envío de diñeiro (29.480 €) a Cáritas Ucraína.

Os 11 centros de acollida que organizou Cáritas Ucraína facilitan comida quente, auga, kits de hixiene básica, transporte seguro e refuxio para persoas que non teñan outra opción, lavandaría comunitaria, atención a persoas especialmente vulnerables (maiores, discapacitados ou menores). Tamén fan un importante labor as Cáritas de Polonia, Romanía e Moldavia.

Cáritas Diocesana de Lugo pon a disposición das persoas que expulsadas do seu país cheguen á nosa Diocese todos os seus servizos e programas como o fixo sempre noutras crises migratorias que tiveron lugar (Venezuela, Siria…).

As persoas que queiran colaborar coa Campaña de Cáritas con Ucraína poden facelo a través das dúas contas habilitadas para iso:

SANTANDER EMERXENCIA UCRAÍNA ES88 0049 6791 7121 1600 9428

CAIXABANK EMERXENCIA UCRAÍNA ES31 2100 5731 7502 0026 6218

ou en www.caritaslugo.es

Campaña de Cáritas “Grazas a ti, poden elixir”

Durante este Nadal tan singular e complicado, Cáritas Diocesana de Lugo anima a colaborar coas persoas que afrontan estas datas nunha situación de maior vulnerabilidade. Por iso, levan a cabo a campaña “Grazas a ti, poden elixir”, mediante a cal poden adquirirse tarxetas solidarias de diferentes contías económicas que se utilizarán para que as persoas en necesidade poidan realizar a compra dun xeito normal.

Estas tarxetas poden comprarse en supermercados colaboradores de Lugo e realizando un donativo a través da páxina web www.caritaslugo.es

[Máis información]

Actividades asistenciais de parroquias da Diocese de Lugo durante o estado de alarma

1. Parroquia da Estación de Monforte de Lemos

– Un grupo de voluntarias da Parroquia xunto coas Irmás Clarisas cosen máscaras para doalas a persoas e grupos que o necesiten.

– Retransmisión da Santa Misa todos os días.

2. Parroquia de Santa Mariña de Chantada

– Retransmisión da Santa Misa todos os días.

3. Parroquia de Santa María de Meira

– Axudas especiais a familias en risco a través de Cáritas Parroquial.

4. Parroquia de Santa María da Fonsagrada

– Retransmisión diaria da Santa Misa

– Axudas para o aluguer de vivenda e compra de alimentos a familias inmigrantes.

5. Parroquias dos concellos de Bóveda, A Pobra do Brollón e O Saviñao

– Misa dominical e mensaxes en youtube

6. Parroquia das Dores de Lalín

– Retransmisión da Santa Misa.

7. Sacerdotes en xeral

– Contacto telefónico e por mensaxería instantánea con fregueses.

8. Diocese de Lugo

– Cesión de instalacións do Seminario para aloxamento de persoal sanitario

– Supresión dos alugueres durante os meses que dure o estado de alarma aos negocios instalados en locais da Diocese e que se viron obrigados a pechar como consecuencia desta situación

– Comedor San Froilán. Repartición diaria de comida a transeúntes e familias. Actualmente sérvense unhas 150 comidas diarias (un 50% máis das que distribuía antes desta crise), todas elas para levar.

– Retransmisión da Santa Misa desde o Bispado

– Campaña especial dos sacerdotes para Cáritas Diocesana

“Doce Nadal” e concerto na Parroquia Santiago A Nova

O venres 20, na Parroquia Santiago A Nova ábrese ao redor das 10.00 horas o mercado tradicional Doce Nadal con produtos elaborados por numerosos e asiduos colaboradores de Caritas Parroquial. Na tarde do xoves (día 19) poderase facer entrega dos produtos que estarán á venda durante ese fin de semana.

 Por outra parte, o Orfeón Lucense interpretará o sábado 21 de decembro ás 20:30 h na igrexa da Nova un variado repertorio composto por pezas clásicas, de música tradicional e moderna de distinta procedencia, interpretadas por solistas ou de forma coral, coas que queremos obsequiar, felicitar e mesmo sorprender aos ouvintes.

A %d blogueros les gusta esto: