Semana Santa

Algúns dos actos do Xoves Santo son os seguintes:

Sarria

Adoración Nocturna na igrexa de Santa Mariña, aberta ao público toda a noite desde as 20 h. Ás 21 h, na igrexa de Nosa Señora do Rosario celebrarase a Hora Santa, e ás 10.30 horas é a Procesión do Silencio, desde o Convento até Santa Mariña, coa imaxe de Xesús Cativo da Mercé.

Lalín ás 23 h Adoración Nocturna e Hora Santa a medianoite.

Lugo

• 18h – Misa da Cea do Señor, preside o Bispo de Lugo, Mons. Alfonso Carrasco Rouco

• 19.30h Procesión da Última Cea. (Desde hai 50 anos está vixente o privilexio de trasladar procesionalmente a Sagrada Forma polas rúas da cidade).

• 21:30 Vixilia xeral da Adoración Nocturna na Catedral.

• 13:30h Procesión do Cristo Resucitado.

Silleda (Santa Baia) ás 19h Cea do Señor e ás 22h Hora Santa.

Santuario O Corpiño Celebración da Misa da Cea do Señor, ás 6 da tarde.

A primeira procesión da Virxe da Esperanza saíu o 30 de marzo de 1953. O luns 25 de marzo de 2013 sae a procesión da igrexa da Nova ás 20:30.

Na actualidade hai uns 600 confrades (desde 1986 tamén mulleres) e na procesión do Luns Santo adoitan asistir entre 200/250. No Círculo das Artes faise unha parada para ler unha oración, que cada ano se encarga a unha persoa voluntaria.

No ano 2005 encargouse o paso da Oración de Xesús no Horto ao imaxineiro zamorano, Ricardo Flecha. A imaxe de Xesús está durante o ano no altar da Igrexa da Nosa Señora das Fontiñas. Este ano restaurouse o retablo que ocupa a Virxe no templo da Nova.

Actualmente a Virxe introdúcese na igrexa aos acordes da marcha “Virxe da Esperanza”, composta por un músico da banda do Terzo Norte.

O día 11 de marzo tivo lugar no Bispado a presentación da Semana Santa da cidade de Lugo. O primeiro en intervir foi o coordenador da Xunta de Confrarías, Ramón Basanta, que comezou sinalando que nunca se incluíran tantos actos. Por primeira vez celébrase un ciclo de charlas de formación e información para confrades e todos cantos queiran asistir. A primeira será o 21 de marzo.

A representante da Deputación, Regina Polín, referiuse ao cartel anunciador da Semana Santa, obra de Eduardo Ochoa, e dixo que a luz presente no cartel non quede nun símbolo senón que nos guíe a todos, para que, unidos, consigamos un mundo mellor.

Na súa intervención, a concelleira Carme Basadre dixo que a Semana Santa lucense é un valor que debemos transmitir. Invitou a asistir a todas as procesións, das que destacou dúas: a do Bo Xesús e a da Esperanza, polo que transmite a imaxe da Virxe.

Pechou o acto de presentación da Semana Santa o señor Bispo, Alfonso Carrasco. Lembrou que as confrarías teñen un carácter penitencial, o cal transmite aos seus membros a necesidade de cambio, de que necesitan outra luz no corazón. Nese sentido son unha testemuña, e fan decatarse ao resto dos membros da sociedade, que esta debe renovarse. 

[PROGRAMA en .PDF DA SEMANA SANTA EN WWW.SEMANASANTADELUGO.COM]