publicación

Presentación de libros: sobre a historia de Cáritas e sobre o Vía Crucis

Cáritas 50 anos de encontros 2

O libro dos 50 anos de Caritas Diocesana de Lugo, escrito por José de Cora, será presentado o 15 de marzo ás oito da tarde no salón de actos da Diputación de Lugo.

E o 15 de marzo ás 20h na libraría La Voz de la Verdad preséntase o libro O Camiño da Cruz. Trátase dunha publicación do Instituto Teolóxico Compostelán obra de José Antonio González e Manuel Regueiro.

Camiño da cruz 2

Esta publicación

– informa de parte da rica literatura sobre o Viacrucis, concretamente a tradución que fixera Filgueira Valverde dunha peza literaria de Paul Claudel “Le Chemin de la Croix”

– forma sobre o contido bíblico, teolóxico… do Viacrucis

– dá ideas para a práctica desta celebración litúrxica

Presentación da nova edición do Leccionario da Misa

Público

O 26 de novembro ás 17:30 h., no Salón de Actos do Seminario de Lugo, presentáronse os 3 primeiros tomos do novo Leccionario da Misa:

– Leccionario I-C (domingos e festas do señor, ano C)

– Leccionario II (Advento, Nadal, Coresma e Pascua)

– Leccionario III-par (Tempo Ordinario dos anos pares)

 O Delegado de Liturxia, José Antonio Ferreiro, dixo que co leccionario lemos a Biblia desde o Evanxeo, pois Xesús é o centro de toda a Escritura. Tamén lembrou a honra que se lle tributa á Palabra de Deus cando o Evanxeliario é incensado, bicado, con el bendise ao Pobo de Deus…

O director de Formación Permanente do Clero, Xesús Anxo Fernández Aira falou da tradución da Biblia, encadrándoa na historia do achegamento do libro sagrado ao Pobo de Deus. Tamén tratou da estrutura e contidos do Leccionario.

Finalmente, e o director de La Voz de la Verdad, Javier Diéguez, presentou o novo formato e maquetación do leccionario.

Presentación do libro Gracias, hijo. Diario de una adopción

Inmaculada

O martes día 9 ás oito da tarde no salón de actos do Instituto Lucus Augusti de Lugo preséntase o libro Gracias, hijo. Diario de una adopción, de Inmaculada Vázquez. É unha obra sobre a experiencia de maternidade: acollida, tenrura, entrega, xenerosidade.

Os motivos que levaron a escribir o libro son: manter a través da escritura as lembranzas, as vivencias, os sentimentos máis fortes e marabillosos da vida.

Un dos obxectivos da obra é axudar, desde a humildade do corazón, a todas aquelas persoas que están ou pensan entrar nun proceso de adopción.

E outra finalidade da publicación é colaborar economicamente con orfanatos de Filipinas

Presentación do libro Falando baixiño, de Miguel Ángel Álvarez

Presentacion Falando baixiño público 2

O 27 de maio, o Seminario acolleu a presentación do libro Falando baixiño. Reflexións ó abeiro da fe, do párroco de San Froilán, Miguel Ángel Álvarez Pérez.

Interveñeron a directora da Oficina de Prensa do Bispado, María José Campo López-Barcia, para quen as páxinas do libro “reconfortan e dan esperanza”; o director da editorial Vozesnavoz, Javier Diéguez Diéguez, que destacou dúas ideas que se repiten constantemente -alegría e amor- “pois quen cre nun Deus que é amor só pode crer con alegría e o libro evanxeliza con alegría e con amor”; o Vicario Xeral Mario Vázquez Carballo, que se referiu ao autor como “un crego que camiña, pensa, traduce, observa e grava para a historia as crónicas das boas novas dunha Igrexa e dunha sociedade que se sente agradecida rezando ante o Santísimo Sacramento, celebrando a fe e construíndo un mundo mellor”.

Finalmente, o autor, Miguel Ángel Álvarez Pérez, sinalou os 3 motivos que deron lugar aos textos: “a invitación de María José Campo a elaborar os artigos, as posibilidades das redes sociais e dunha folla parroquial e finalmente a idea de facer chegar á xente que non se manexa por internet e que me pediu se podía facer algo para difundir os escritos”.

A revista Lvcensia cumpre 25 anos

presenta lucensia

Cunha convención de colaboradores celebrouse o 25 aniversario da revista Lvcensia o sábado 16 no Seminario. O número 50 de Lvcensia ten un carácter eminentemente práctico, indispensable para manexarse polos contidos dos 49 números anteriores, pois trae 6 índices. O primeiro recolle alfabeticamente o nome dos 275 autores, títulos publicados e localización. Noutros dous índices a anterior información está ordenada polo título de cada un dos 700 artigos aparecidos e pola materia (84 apartados, desde acuicultura a urbanismo). E os dous índices finais recollen as recensións (ordenadas polo autor da obra que se reseña) e os colaboradores.

No acto de presentación, o señor Bispo, Mons. Alfonso Carrasco Rouco, sinalou que entre o 70 e o 75% dos artigos tratan de historia, lato sensu, e nótase o diálogo co mundo universitario presente en Lugo pola presenza de temas como agricultura, gandería, ciencias naturais. Tamén expresou o señor Bispo o desexo de que Lvcensia sirva para garantir a nosa memoria e abrir espazos de diálogo.

A %d blogueros les gusta esto: