O xoves 20 de xuño os sacerdotes Jesús Río Ramilo e José Río Ramilo presentaron na libraría Trama o libro da súa autoría titulado Lugo en branco e negro.
Cando foi o 50 aniversario de varias parroquias da cidade de Lugo, José Río pensou en publicar un libro con fotos antigas dos templos e das parroquias. Cando se viu a posibilidade de financiar o proxecto, José Río comezou a buscar fotos de igrexas, e tamén do Seminario, colexios… As fotos son de finais do século XIX e comezos do XX e permiten ver como cambiou a cidade de Lugo. Acompañan ás fotografías informacións que foron buscadas en hemerotecas, páxinas web especializadas…
Na presentación do libro, Jesús Río achegou os seguintes datos: no censo de 1591 había en Lugo 296 veciños cabezas de familia que pagaban impostos. No mesmo censo O Courel tiña 656 veciños cabezas de familia que pagaban impostos, ou sexa máis do dobre. Hoxe voltaron as tornas e O Courel é quen sofre a despoboación.
Na presentación, agradeceuse á Secretaría Xeral de Política Lingüística, e ao seu titular Valentín García Gómez, polo apoiou económico dao para a publicación desta obra non venal.
Ao primeiro capítulo do libro, adícado á muralla, seguen estoutros: Catedral de Santa María, prazas, rúas, novas parroquias, xentes.
Acaba de publicarse a segunda parte de Colección Diplomática Altomedieval de Galicia. Os dous tomos desta obra recollen máis de cen documentos da Catedral de Lugo en escritura visigótica. Tamén se publican documentos de varios mosteiros: Samos, Meira…
A transcrición, edición e índices (de lugares e persoas) corre a cargo de Ainoa Castro Correa e Manuel Rodríguez Sánchez.
Entre os documentos figura o testamento do bispo Odoario, que chegara de África coas súas xentes trala invasión musulmá, «restaura» e «repoboa» a cidade e Diocese de Lugo fundando e doando («pro remedio animae») a esta sede as igrexas de Santiago de Meilán, Santa Eulalia de Mazoi e San Xillao de Bocamaos ademais de fundar varias vilas.
O mércores 4 de xullo, ás 20 h na libraría La Voz de la Verdad preséntase o libro Poesía eucarística. Trátase dunha obra na que se recollen os poemas premiados nas tres primeiras convocatorias do certame literario que cada ano organiza o Centro Eucarístico Lucense.
Intervirán, o director do Centro Eucarístico Lucense, José Antonio Ferreiro; a ilustradora, Raquel Magán; a editora, Vanesa Ferreiro e os poetas e membros do xurado Ana Vila e José Carlos Ulloa.
Acto de presentación do libro no Instituto Masculino (12/04/2018)
Do libro Gracias hijo: un mundo mejor es posible, poden destacarse uns eixes teolóxicos e unha gran riqueza de valores ético-morais.
Xa no primeiro poema: y tus brazos me acogieron
tu amor me envolvió
y la felicidad llenó
todos mis rincones de mi pequeño ser
para siempre…
Aquí está revelando un concepto de Deus manifestado no seu Fillo Xesucristo. Un Deus tenro, un Deus pai-nai, un Deus cercano, cariñoso, bondadoso.
Lendo o libro observaráse un gran eixe de relación materno-filial. Cun gran valor de xenerosidade, de amor, e todo realizado cunha gran alegría. Este estilo de vida e de plantexamento educativo vai repercutir no mociño Gerald, sendo ese rapaz cariñoso, bo, listo e responsable. Por isto, a nai Conchi-Inma descúbreo todo como o gran regalo que Deus lle deu.
Tamén cando fala da Tita Flori xorde a gran actitude de crenza e dunha vida máis alá da morte.
Outro gran eixe teolóxico é a gran dimensión comunitaria cos amigos-amigas e a familia propia, que sempre está moi valorada. Así, a gran actitude maternal de entrega de cara ao seu fillo Gerald, síguea disfrutando en cada momento da vida.
Outro eixe teolóxico é o acompañamento, o ánimo, o cariño, que xorde por todas as páxinas da obra. Sempre despois de calquera actuación do seu fillo a frase que sempre soa: ¡Muy bien, cariño, lo has hecho muy bien!
Outro gran valor ético-moral que descubrimos é que Conchi e Gerald loitan pola dignidade da súa gran familia de Filipinas. Conchi sempre cre que un mundo mellor é posible. Sobresae o valor de facer o ben, neste caso a tantos nenos e nenas.
Outro valor a destacar é compartir o tempo, a vida, nos distintos aspectos. Así atopámonos na primeira parte do libro coa descrición dun fermoso cadro que simboliza unha flor e no tallo vese unha frase: O esencial é invisible aos ollos, soio se pode ver co corazón.
Tamén descubrimos unha clara transmisión de valores ao seu fillo Gerald analizando as etapas do Camiño de Santiago, por exemplo baixando do Cebreiro a Triacastela e noutras etapas escoitamos varias veces ao seu fillo, «Mami, yo te ayudo. Dame la mano». É dicir, ofrécese sempre colaboración, descúbrese unha preocupación polos demais.
Dille a nai ó fillo: Qué belo é compartir, Gerald! Comparte sempre a túa vida, o que es, o que teñas. É o que che fará feliz.
Plantéxase unha educación austera, facéndolle ver a Gerald que o esforzo é necesario. E a constancia é a que nos fai conseguir o verdadeiramente importante nesta vida.
Unha gran conclusión que podemos sacar nesta obra é que o regalo máis grande que Deus puxo na vida de Conchi é Gerald. Di: para ser feliz só necesitas un puñado de persoas ás que amas e te aman, polas que farías calquera cousa e que farían calquera cousa por ti.
Tamén neste segundo libro o logotipo Mensaxeiros da Paz dalle un prestixio á obra dende a bondade do Padre Ángel.
Como conclusión final, dicir que nai e fillo saben que un mundo mellor é posible. Por isto remata a obra cos agradecementos ás diversas persoas que colaboran para facer posible isto.
O xoves 12 de abril ás 20h no Salón de Actos do IES Lucus Agusti de Lugo preséntase o libro Gracias hijo: un mundo mejor es posible de Inmaculada Vázquez. A autora conta as vivencias da súa vida e do seu fillo Gerald, neno de orixe filipino adoptado en 2010. A súa nai incúlcalle valores de xustiza social, paz, solidariedade.
Acompaña ao libro un CD con obras musicais de agrupacións nas que toca Gerald:
4 cancións do coro infantil do Conservatorio de Música de Lugo
unha obra interpretada pola Banda infantil do mesmo Conservatorio
unha composición musical (Lvcvs) de Manuel María Veiga interpretada pola Banda Sons e Soños de Rábade, Begonte e Outeiro de Rei
nana do grupo Tango en Xaneiro
dous temas musicais interpretados por Gerald a clarinete e a piano.
Estes dous últimos temas poderán escoitarse en directo no acto de presentación do libro, que contará tamén coas seguintes intervencións:
Xosé Luís Vázquez Somoza, prologuista do libro
Luís Manuel Rodríguez Pérez, vicario de coordinación pastoral da Diocese
Mago David
Inmaculada Vázquez, autora
Este novo traballo vén da necesidade de Gerald e a súa nai de poder seguir colaborando cos centros de axuda á infancia en Filipinas, pois do primeiro libro Gracias hijo: Diario de una adopción esgotáronse as súas dúas edicións.
O libro pode adquirirse (15 €) nas librarías La Voz de la Verdad, Biblos e Alecrín en Lugo e Libraría Bande en Pobra de San Xulián.
Ao evento está invitado o Presidente de Mensajeros de la Paz, o Padre Angel, que desde a segunda edición do primeiro libro colabora coa escritora. Esta presentación faise no marco da celebración do 175 aniversario do Instituto Lucus Augusti.
No programa “El Espejo” pode escoitarse unha entrevista a Inmaculada Vázquez (a partir do minuto 7:45)
