O sábado 15 de decembro a partir das 11 h terá lugar o Encontro de Nadal do profesorado de Relixión da Diocese. No salón de actos do Seminario iníciase a xornada cunha charla reflexión de José Antonio Adrio Carballude. Na súa condición de Delegado de Mocidade, José Antonio informará aos asistentes sobre a vindeira Xornada Mundial da Xuventude, entre outras cuestións. Na capela do Seminario celebrarase a Eucaristía e a continuación haberá un xantar de irmandade, no que se homenaxeará ao profesor que se xubila, este ano é Mario Vázquez Carballo.
