peregrinación

V Peregrinación ao santuario do Corpiño

O domingo 25 de agosto é un dos días máis importantes no Santuario do Corpiño. É a xornada de Peregrinación das familias e Solemne Bicamáns á Virxe do Corpiño.

Os peregrinos de Lalín terán a honra de camiñar acompañados pola talla da Virxe do Corpiño da igrexa de Xaxán.

A peregrinación, para a que non é necesario inscribirse, é totalmente gratuíta. Só hai que presentarse o domingo nos puntos de saída (diante da igrexa parroquial de Lalín ás 8 da mañá; ou diante da igrexa parroquial de Vila de Cruces ou de Silleda ás 9 da mañá) para estar a tempo á Misa das 12.

Desde Silleda e Vila de Cruces son uns 8 kms, que se fan en 2 horas. Desde Lalín son 16 kms, que levarían algo máis de 3 horas.

Acompañando a todos os grupos haberá coches de apoio para calquera incidencia que impedise terminar a ruta a pé. Tanto no traxecto como ao chegar, haberá bebidas frías gratuítas a disposición de todos . É obrigatorio levar chaleco reflector.

Viaxe – peregrinación a Fátima

Entre o venres 14 e o luns 17 de setembro ten lugar a viaxe-peregrinación diocesana de Lugo a Fátima. Participan 151 persoas de diversos puntos da Diocese lucense, acompañados de 2 sacerdotes e viaxarán en tres autobuses. Os participantes son: enfermos, persoal sanitario, hospitalarios e peregrinos, todos eles socios da Hospitalidade diocesana de Lourdes, organizadora da actividade. O programa é o seguinte:

VENRES DÍA 14:

16:30 h: Visita á nova Basílica Subterránea e Celebración Comunitaria da Penitencia, na mesma (Capela da Resurreição).

19:15 h: Misa na Capela da Resurreição de Xesús (Basílica da Santísima Trinidad), presidida por Lugo.

21:30 h: Rosario e Procesión dos Fachos.

SÁBADO DÍA 15:

  • 8 h: Tras almorzar, saída para Lisboa. Acompañados por guías nativas credenciadas visítase a capital lusa; comida de campo; visita de Estoril. Santa Misa no Santuario de San Antonio de Padua (de Lisboa)

  • 21:30 horas: Rosario e Procesión dos Fachos, con actuación de Lugo.

DOMINGO DÍA 16:

  • 8 h: Via Crucis polo Caminho dos Pastorinhos.

  • 10 h: Rosario na Capelinha.

  • 11 h: Participación na Misa Internacional e procesión do “Adeus”.

  • Tarde libre. Posibilidade de ir a Nazaré, Leiría.

LUNS DÍA 17:

Saída para Coimbra: visita da cidade en coche e de todo o conxunto de Bom Jesús. Pola tarde, visita ao gran Santuario de Sameiro, onde se celebrá a Misa de Despedida e acción de grazas.

Peregrinación xuvenil a Fátima

Durante este mes de xaneiro permanece aberto o prazo de inscrición para a peregrinación xuvenil a Fátima que organiza Xóvenes polo Reino de Cristo do 9 ao 13 de febreiro. Poden participar mozos de 15 anos (cumpridos ata o 9 de febreiro de 2018) a 35 anos inclusive.

Para inscribirse non pode facerse de xeito individual, senón a través dunha parroquia ou movemento. No caso de Lugo a través da Delegación Diocesana de Mocidade.

Prezo: 85 € (non inclúe o custo do autobús).

[Inscrición]

Peregrinación a Terra Santa

Organizada polas parroquias da Milagrosa e San Antonio de Padua, do 19 de febreiro ao 1 de marzo de 2018 hai unha peregrinación a Terra Santa (Israel e Xordania). O programa é o seguinte:

Luns 19. A CORUÑA – MADRID – TEL AVIV

Saída 3.30 h PARROQUIA A MILAGROSA.

Visítase YAFO, a antiga Jope, o máis fermoso suburbio de Tel Aviv e o porto de Salomón.

Martes 20 TEL AVIV – CESAREA – HAIFA – CARMELO – TABOR – TIBERÍADES

Mércores 21. TIBERIADES – XORDAN – LAGO DE GALILEA – NAZARET – CANA

Xoves 22. XORDANIA – XERASA – MONTE NEBO – MADABA – AMMÁN

Venres 23. AMMÁN – WADI RUM. Aquí durmirase no medio do deserto en tendas con cea e espectáculo beduino.

Sábado 24. WADI RUM – PETRA – MAR MORTO

Domingo 25. MAR MORTO – MASADA – QUMRÁN – XERICÓ – XERUSALÉN

Luns 26. XERUSALÉN

Visita ao Monte das OLIVEIRAS, ao lugar da Ascensión, a gruta do Pai noso… Tamén se percorrerá a XERUSALÉN NOVA

Martes 27. XERUSALÉN – EIN KAREM

lMONTE SION, para visitar o Cenáculo, a Tumba de David, e celebrar a Eucaristía. EIN KAREM é a patria de Xoán Bautista

Mércores 28. XERUSALÉN – BELÉN – MURO DAS LAMENTACIÓNS de XERUSALÉN

Xoves 1 de marzo. XERUSALEN – TEL AVIV – A CORUÑA

Percorrerase a VIA DOLOROSA, cumio da viaxe: seguindo os pasos da Paixón, Morte, Resurrección de Xesús: estacións da Vía Dolorosa, Calvario, Santo Sepulcro coas súas diversas Capelas e Santuarios: Celebración da Eucaristía. Traslado ao aeroporto, voo en liña regular. TEL AVIV/16.05h -MADRID/20.15h – 21.40h – A CORUÑA/22.55h. Continuación da ruta en autocar ata o punto de orixe.

A %d blogueros les gusta esto: