Museo Diocesano

A Diocese de Lugo continúa coas obras do novo Museo Diocesano, que estará dentro da propia Catedral e presentou ante a Consellería de Cultura un primeiro listado de pezas singulares a conservar.

O responsable de Patrimonio Histórico da Diocese de Lugo, César Carnero, explicou que se trata dun primeiro grupo de pezas singulares, entre as que destacan elementos de ourivería, en ouro ou prata; retablos, imaxes e ata pinturas murais. Identificar todas as pezas destacadas que gardan as 1.138 parroquias da Diócese de Lugo levará bastante meses.

 Nestes momentos, os operarios están colocando xa o pavimento sobre o que repousarán as vitrinas. De cumprirse o prazo previsto, o museo abrirá de novo as súas portas ao público no mes de novembro.

Información de Cope Lugo

 Na presentación aos medios do convenio, o director do Museo César Carnero falou do convenio como un agasallo adiantado do cumpreanos, pois no 2018 o Museo cumprirá 100 anos.

O conselleiro de Cultura Román Rodríguez, afirmou que é o primeiro convenio que en Galicia se asina con esta orientación e agradeceu a sensibilidade de Mons. Alfonso Carrasco neste tema. Tras catalogar os bens de natureza artística da Diocese, as pezas de maior interese trasladaránse ao Museo. Desta maneira, segundo o Conselleiro, as persoas do lugar de orixe das obras de arte, sentirán orgullo delas.

Para o Bispo de Lugo, coidar o patrimonio artístico forma parte dunha gran empresa de coidar o noso rural e a nosa tradición. O Museo Diocesano e Catedralicio representará a vida da nosa terra, e quen o visite encontrará o eco da vida das parroquias. “Non quereriamos, dixo Mons. Alfonso Carrasco, que as nosas parroquias perdesen a súa memoria e identidade”.

O investimento total desta intervención será de 332.000 euros