misións

O luns 14 de outubro na parroquia Santiago A Nova de Lugo tivo lugar o pregón do Domund a cargo de Olga Louzao. Previamente actuou o coro da parroquia San Francisco Javier. Este acto estivo presidido por Mons. Alfonso Carrasco. Ler o pregón e ver imaxes.

Vixilias de Oración do Domund

18 de outubro ás 20:00 h. na Parroquia San Pedro de Lugo.

19 de outubro ás 20:00 h. na Parroquia Nosa Señora das Dores de Lalín.

Encontro con misioneiros

20 de outubro, día do Domund, a Delegación Diocesana de Misións de Lugo organiza un encontro con misioneiros e misioneiras da Diocese e os seus familiares. Terá lugar na parroquia San Francisco Xavier de Lugo, comezando cunha Eucaristía ás 12:30 h. e seguidamente unha comida no salón parroquial.

Preséntase a Memoria económica do curso 2021-2022. Non son simples números, senón que detrás de cada cifra hai un esforzo e sacrificio de persoas, comunidades, colexios. Desta maneira faise visible na diocese de Lugo o desexo de Paulina Jaricot, fundadora da Obra Pontificia Propagación da Fe, de crear unha rede universal de solidariedade e axuda ás misións.

O ano 2022 está a ser especial para as OMP. Cúmprense 400 anos da fundación da Congregación para a Evanxelización dos Pobos; 200 anos da fundación da Obra Propagación da Fe por parte de Paulina Jaricot, que acaba de ser beatificada en xuño; e 100 anos desde que o Papa Pío XI fixese pontificias as diversas obras misioneiras, de xeito que se crearon as Obras Misionales Pontificias (OMP). Todas estas celebracións axudan a dar un impulso misioneiro á diocese.

A nivel económico, procúrase reducir os gastos o máis posible –contamos coa axuda da diocese para conseguir este obxectivo- e pénsase como aumentar os ingresos. Todo o que se fai é en beneficio da misión. Contamos convosco coas achegas e oracións de todos. En nome de todas as comunidades que van recibir estas achegas, moitísimas grazas.

Pídeselle a san José María Díaz Sanjurjo que axude a renovarnos para que a misión ad gentes siga sendo un dos piares da vida das nosas comunidades.

[Memoria]

Jesús Manuel Santiago Vázquez

Delegado de Misións de Lugo

[Artículo original]

O ano 2022 vén repleto de aniversarios importantes para Obras Misionais Pontificias (OMP) e a actividade misioneira da Igrexa

O martes 3 de maio, celébranse os 200 anos da fundación da Obra misioneira Propagación de fe, que dará lugar ao Domund, por Pauline Jaricot; e 100 anos da creación das Obras Misionais Pontificias (OMP). Con tal motivo haberá unha celebración na catedral:

19 h: oración misioneira, lembrando o testemuño de Pauline Jaricot;

19:30 h: rosario misioneiro, creado tamén por Pauline Jaricot;

20 h: Eucaristía presidida polo Bispo