Hispanoamérica

Día de Hispanoamérica

O Día de Hispanoamérica é un momento de acción de grazas polos sacerdotes, relixiosos, relixiosas e laicos, que se atopan en misión no continente americano. É tamén momento de oración suplicante para que haxa novas vocacións misioneiras.

O lema proposto este ano é: «Unidos baixo o manto de María». Pois, como di o Papa Francisco «ela é a misioneira que se achega a nós para acompañarnos pola vida, abrindo os corazóns á fe co seu agarimo materno. Como unha verdadeira nai».

«Unidos baixo o manto de María» é experiencia de fe viva no Pobo de Deus latinoamericano, marabillosamente expresada a través da rica relixiosidade popular e mariana, nas súas distintas advocacións.

Na Parroquia San Francisco Xavier (Lugo) celébrase o día 7 de marzo ás 12:30 h unha Eucaristía na que haberá unha especial presenza da comunidade latinoamericana.

Día de Hispanoamérica

O Día de Hispanoamérica ten como lema este ano «Para que nel teñan vida», en referencia ao título do Documento de Aparecida. Pídese pola Igrexa en América Latina, para que os cristiáns vivamos sempre con conciencia misioneira de que a vida que Deus regala é un don precioso que debemos compartir con todos os nosos irmáns, como fan os misioneiros e misioneiras que están en Latinoamérica.

 Na Parroquia lucense San Francisco Xavier faise un achegamento ás xentes de Latinoamérica que están na nosa terra. O 1 de marzo trala Misa das 12:30 h no salón parroquial representantes da comunidade latinoamericana achegarán mostras dos produtos típicos dos seus países e elementos das súas culturas.

[Materiais sobre a xornada]

Día de Hispanoamérica

A parroquia San Francisco Xavier (Lugo) celebra esta xornada ese mesmo día cunha Eucaristía ás 12:30 horas, á que se convida especialmente a todas as persoas e asociacións de Hispanoamérica. A continuación, nos salóns parroquiais, terá lugar un encontro cultural onde se poderán degustar pratos típicos deses países. Nesta Eucaristía tamén se dará o pregón da novena da Graza.

Esta Xornada lémbranos o traballo que realizan os misioneiros e convídanos a colaborar con eles a través da oración e da axuda económica

A Comisión Episcopal de Misións e Cooperación entre as Igrexas organiza, un ano máis, o Día de Hispanoamérica, que se celebrará o vindeiro domingo 3 de marzo coa lema, “Comprometidos coa vida dos pobos”. Un compromiso que manteñen os 237 sacerdotes da Obra para a Cooperación Sacerdotal Hispanoamericana (OCSHA) que viven a súa misión en países de América Latina.

Día de Hispanoamérica e Pregón da Novena da Graza

Na parroquia San Francisco Xavier de Lugo celébrase o Día de Hispanoamérica o domingo 26 de febreiro, en lugar do 5 de marzo que é cando en realidade se festexa a nivel estatal. Haberá unha Eucaristía ás 12:30 h. presidida por D. José Antonio Ferreiro, párroco da Milagrosa, parroquia á que está moi vinculada a comunidade de dominicanos coa súa patroa a Virxe de Altagracia. Durante este acto ten lugar o Pregón da Novena da Graza, que comezará o 4 e marzo.

Ás 13:30 h. de día 26 haberá unha exposición gastronómica hispanoamericana, no salón parroquial. Espérase que un gran número de hispanoamericanos de Lugo se unan a esta celebración.

Celebración do Día de Hispanoamérica

3 marzo día 1 Hispanoamérica

O día 26 ás 20h no salón parroquial de San Francisco Xavier hai unha mesa redonda baixo o título “A nova evanxelización desde Hispanoamérica”. Algúns hispanoaméricanos de distintos países compartirán a súa experiencia de fe.

O 1 de marzo invítase a todas as persoas de Hispanoamérica a participar na Eucaristía de 12:30 h. no templo de San Francisco Xavier. Logo hai unha exposición de cultura latinoamericana.

Na citada Eucaristía tamén se fará o pregón da Novena da Graza, os 9 Días de Xavier, a cargo do Rvdo. D. Pablo Veiga, xesuíta nado en Lugo.

A %d blogueros les gusta esto: