formación

Os martes da parroquia de San Froilán

Martes da parroquia de S Froilán

Durante o ano 2016, con motivo do Ano da Misericordia, prográmanse Os martes da Parroquia de San Froilán (Lugo) ás 18:30h desde o 12 de xaneiro ata o 26 de xullo.

Trátase de buscar un espazo de oración e formación para adultos que queiran profundar no coñecemento e contemplación do Deus de Xesucristo.

O martes 12 de xaneiro hai oración e desenvólvese da seguinte maneira: exposición do Santísimo, vésperas, oración persoal.

O martes seguinte, 19 de xaneiro, comezan as sesións adicadas á formación. Trátase de ir coñecendo ou lembrando os fundamentos básicos da fe (existencia de Deus, revelación, Sagrada Escritura, sacramentos, liturxia…).

Nas semanas seguintes irán alternándose os momentos de oración (26 de xaneiro, 9 de febreiro, 23 de febreiro…) cos de formación (2 de febreiro, 16 de febreiro, 1 de marzo…).

Formación permanente para sacerdotes, relixiosos e laicos

image

O día 28 de decembro no Seminario ten lugar entre as 10:30h e as 14h unha actividade de formación permanente para sacerdotes, relixiosos e laicos.

O tema é “O sacramento do perdón no Ano da Misericordia” e a persoa encargada de desenvolver o tema é o sacerdote de Burgos Juan María González Oña.

Mons. Alfonso Carrasco clausura o curso de actualización do Instº Superior Compostelán de Ciencias Relixiosas

Instituto superior compostelán de ciencias relixiosas

O Instituto Superior Compostelán de Ciencias Relixiosas (ISCCR), organizou un ano máis un curso de actualización teolóxico-pastoral ao fío do Ano Xubilar da Misericordia, que se inicia este mes.
O curso deste ano levou por título: “Hoxe e Mañá: Soñar o futuro da Igrexa”. O fío condutor foi a teoloxía práctica, a reflexión teolóxica sobre a acción pastoral e a misión da Igrexa na actualidade. As conferencias responderon a tres grandes preocupacións: as alarmas e desafíos que o mundo de hoxe lanza á Igrexa, o ministerio da verdade e a resposta da Igrexa, a evanxelización desde a clave da misericordia
O curso tivo lugar os martes desde o 6 de outubro ao 1 de decembro de 2015. A conferencia deste 1 de decembro, ás 19h será impartida por Mons. Alfonso Carrasco Rouco e leva por título “O rostro da misericordia. Reflexións ante o anuncio do Ano Xubilar

Oferta formativa en parroquias da capital lucense

Desde a primeira semana deste mes está a disposición de toda a comunidade de San Antonio de Padua, Lugo, a Biblioteca Parroquial. Está composta por dous tipos de fondos: infantil (ou de catequese) e de adultos.

Terá o seguinte horario: xoves e venres de 17:30h a 19:30h; sábados e domingos, de 11:30h a 13h. e os fondos están catalogados aquí.

Encontros sobre a Laudato si na parroquia Santiago A Nova.

Na última semana de novembro inícianse os encontros semanais sobre a Encíclica do papa Francisco Laudato si‘. En principio o horario será o seguinte:

As Fontiñas: mércores, día 25, ás 19.00 hs.

Santiago A Nova: xoves, día 26, ás 19.00 hs.

 

Última sesión do curso “Aprendamos a amar”

curso-monitores-Aprendamos-a-amar_Página_1

Os días 13 e 14 de novembro ten lugar en Santiago de Compostela a 3ª e última sesión do curso “Aprendamos a amar”. O venres de 17.30 a 21.30h e sábado todo o día. Este curso de educación afectivo-sexual está impartido impartido polas profesoras Nieves González Rico e Begoña Ruiz, que tratarán os seguintes temas: aprendemos a xuzgar: métodos anticonceptivos e aborto; amar co corpo; aspectos morais da regulación da natalidade; taller “Acompañar desde as preguntas”; a madurez afectiva: ser libres para amar. Este curso está organizado pola Fundación Centro de Orientación Familiar Diocesano de Lugo e pola Coordenadora Interdiocesana de Pastoral Xuvenil de Galicia.

A %d blogueros les gusta esto: