formación

Curso de intelixencia emocional para pais e docentes

O días 10 e 11 de novembro nas aulas do Seminario de Lugo, o doutor en Filosofía Xosé Manuel Domínguez Prieto, dirixe un Curso de intelixencia emocional destinado a profesorado de Educación Infantil, Primaria, Secundaria, FP e orientadores. Tamén a pais con fillos de entre 1 e 18 anos.

Contidos

1. O mundo afectivo: principais afectos e o seu significado

2. Que é ‘Intelixencia emocional’

3. Camiños para a habilidade emocional intrapersoal

a. Autocoñecemento emocional

b. Expresión de sentimentos

c. Interpretación emocional

d. Conciencia dos sentimentos do outro: empatía

e. Controlar e xestionar sentimentos

f. Vivir en clave positiva

4. Habilidades sociais básicas: intelixencia emocional

interpersoal

a. Estilos comunicativos e asertividade

b. Como escoitar. A empatía

c. Resolución de conflitos

d. Desculparse

e. Eloxiar

Obradoiros: recoñecemento e verbalización emocional, sistemas de regulación emocional, escoita, asertividade, resolución de conflitos, empatía, agradecemento.

Horario: o venres de 18 a 21 h e o sábado de 9.15 a 13.45 e de 15.15 a 19.45.

É unha actividade homologada pola Consellería de Cultura, Educación e Orientación Universitaria da Xunta.

Xornadas formativas no Mosteiro de Poio

O clero galego ten a súa Semana de Formación Permanente no Mosteiro de Poio do 11 ao 13 de setembro baixo o lema: “25 anos das xuntanzas dos cregos de Galicia: vivindo a comuñón”. Efectivamente, hai 25 iniciábanse estas xornadas, como resposta á publicación da Exhortación apostólica postsinodal Pastores Dabo Vobis, que insistía tanto na importancia da formación.

Ao longo destes 25 anos pasaron polo encontro centenares de sacerdotes, que se beneficiaron dun ámbito privilexiado de comuñón e de formación: puideron escoitar e establecer diálogos con decenas de relatores, compartiron testemuños de vida e experiencias pastorais, rezaron e celebraron a liturxia xuntos.

O programa deste ano é o seguinte:

Luns, 11 de setembro:

10:30 h Acollida. Inscrición e recollida de materiais.

11:00 h Apertura. Hora Intermedia. Presentación das Xornadas

11:30 h – 1ª Relatorio. “A vida e o ministerio do sacerdote hoxe”, por Beniamino Stella, Cardeal Prefecto da Congregación para o Clero.

13:00 – Eucaristía presidida por Beniamino Stella

17:00 – 2ª Relatorio e diálogo: “Visión retrospectiva das Xornadas de Poio, 1993-2017”, por Luis Quinteiro Fiuza, Bispo de Tui-Vigo.

19:00 – Talleres: “Itinerario de Formación Católica de Adultos” (Equipo A. C. de Mondoñedo-Ferrol); “A música na nova impresión do Misal” (Secretariado de Música Sacra de Santiago).

20:45 – Adoración eucarística – Vésperas.

21:30 – Cea. A continuación convivencia – velada festiva.

Ler máis

Semana de Formación Permanente dos Cregos de Galicia

Semana Poio - copia Do 12 ao 14 de setembro será a XXIVª  Semana de Formación Permanente dos Cregos de Galicia no mosteiro de Poio.  O lema desta edición fai referencia á chamada do Papa Francisco na Exhortación Evangelii gaudium, pedindo pasar  dunha pastoral de conservación a unha pastoral misioneira. Nesta mesma liña, no Xubileu dos Sacerdotes de Roma, o Papa pediulles aos cregos que fosen “bos samaritanos”, coa “porta aberta”.

 Haberá relatorios, diálogos, obradoiros, testemuñas,… que profundizarán no novo estilo ministerial dunha “Igrexa en saída” que quere dar resposta aos retos de hoxe.

 Os relatores das xornadas de Poio serán D. Jesús Higueras Esteban, Párroco de Sta. María de Caná (Pozuelo – Madrid), que participou no Sínodo sobre a Nova Evanxelización e que foi nomeado Misionerio da Misericordia; D. Xosé Manuel Domínguez Prieto, profesor de Filosofía e Director do Instituto da Familia de Ourense, e D. Miguel López Varela, membro do Pontificio Consello para a Nova Evanxelización e Director do Secretariado de Catequese da Arquidiocese de Santiago.

[Ver programa detallado]

Conferencia sobre A India Rural na sé de “A Fundación”

Lancy Dodem

O martes 12 de abril estivo en Lugo Lancy Dodem, o primeiro mozo hindú adoptado pola da Fundación Vicente Ferrer e agora un dos seus responsables.

Lancy sinalou 3 aspectos básicos de Vicente Ferrer:

1) El cría moito na providencia e na capacidade dun mesmo para conseguir os obxectivos que se propón;
2) Acción boa, que concentra todo: Deus, amor…
3) Perdón: quen unicamente pode perdoar mil veces é Deus; pola súa parte, Vicente Ferrer tiña o don de perdoar.

Lancy Dodem tamén se referíu a outros trazos de Vicente Ferrer como a capacidade para preparar líderes ou a súa paciencia. Isto último exemplificouno co feito de que 20 anos despois da primeira aula (con 10 nenos e 2 nenas) conseguíu concienciar á poboación sobre a necesidade de educar á muller (agora a proporción é de 10 nenos e 12 nenas).

Este acto estivo organizado pola Fundación Vicente Ferrer, a Delegación de Apostolado Segrar e a Delegación de Misións.

Charlas sobre as benaventuranzas a cargo de José Antonio González

Jose Ant Gzlez

Durante este tempo pascual, a Delegación Diocesana de Liturxia organiza dúas sesións formativas sobre as benaventuranzas os días 11 e 12 de abril. Baixo o título de “Benaventuranzas: un novo xeito de ser” o profesor José Antonio González García desenvolve o tema en dúas conferencias os días mencionados ás 20:15 h no salón de actos do Colexio dos Salesianos (praza da Milagrosa). A entrada é libre.

 O primeiro día José Antonio González fixo unha presentación do tema: o que Deus quere para sermos nós felices está nas benaventuranzas. Nunhas hai actitudes ante Deus e noutras  actitudes ante os irmáns. Tamén se sinalaron as diferencias entre o texto de Mateo e o de Lucas: este último diríxese a unha comunidade (a grega) cun problema de solidariedade (posto que estaban influídos polas escolas filosóficas gregas, isto é, pola ansia de liberdade e individualismo). En cambio, na comunidade á que se dirixe Mateo hai fariseos, coa súa autosuficiencia.

A %d blogueros les gusta esto: