formación

Inicio da formación permanente para sacerdotes

O 4 de novembro comeza na Diocese a formación permanente para sacerdotes, correspondente ao curso 2015-2016. Os lugares e os días de cada mes nos que haberá esta formación ata maio, son os seguintes:

Chantada (1º mércores), Baralla (2º mércores), Lalín (3º mércores), Monforte (4º mércores), Lugo (1º xoves), Monterroso (2º xoves), Sarria (3º xoves) e A Fonsagrada (4º xoves)

LaMisericordia_Kasper

O documento base de traballo para este curso é o libro de W. Kasper A misericordia, que trata de recuperar ese tema por consideralo esquecido con demasiada facilidade na historia recente da Igrexa e a teoloxía. Se queremos que o protagonista sexa o Deus de Xesucristo, non un Deus abstracto, cómpre poñer no centro a misericordia divina, máxima realización do amor e a xustiza divina. A misericordia ten que ser entón norma e medida da doutrina teolóxica sobre Deus, así como da doutrina e da vida da Igrexa (liturxia, pastoral, espiritualidade, estruturas…).

Semana de Formación Permanente do Clero de Galicia

Semana-Formación-Cregos-2015A tradicional Semana de Formación Permanente do Clero de Galicia terá lugar do 9 ao 11 de setembro de 2015 no mosteiro de S. Xoán de Poio. Trátase dun momento forte convivencia e formación, organizado polas Delegacións para o Clero das dioceses galegas, no que participan sacerdotes de Galicia.

O programa é o seguinte:

Mércores día 9 de setembro

11:30: Acollida dos participantes.

12:00: Oración inicial e presentación das Xornadas

12:30: 1º Relatorio: “Chamados a unha conversión pastoral”, por D. Fernando Gonzalo Bilbao, Vicario Xeral de Vitoria. Diálogo co relator.

14:00: Comida.

16:30: 2º Relatorio: “Renovar as nosas comunidades: Discípulos misioneiros”, por D. Fernando Gonzalo Bilbao, Vicario Xeral de Vitoria. Diálogo co relator.

18:30: Obradoiros:

  • “Retos para unha nova administración”, D. Jesús Río Ramilo, sacerdote diocesano de Lugo.

  • “Como achegar Sta. Teresa aos fieis”, P. Augusto Gerra, carmelita descalzo.

  • Proxecto Raquel, D. Martiño Rodríguez González, director do COF diocesano de Lugo.

  • “Música e Liturxia”, D. Óscar Valado Domínguez, Director do Secretariado de Música Sacra da Arquidiocese de Santiago.

20:30: Vésperas – Eucaristía.

21:30: Cea.

22:30: Vixilia de oración.

Xoves día 10 de setembro

8:30: Laudes – Eucaristía.

9:30: Almorzo.

10:30: 3º Relatorio: “Que lle pide hoxe un laico ao sacerdote?” por José Manuel Domínguez Prieto, Profesor de Filosofía. Diálogo co relator.

Ler máis

Ciclo de conferencias sobre as persoas maiores

Copia de conferencias maiores galego

O salón de actos de Afundación, pza de Santa María, Lugo, acolle 3 conferencias que programa a Fundación Centro de Orientación Familiar Diocesano de Lugo.

O 27 de maio, de 19:15h a 20:15h, o profesor da Universidade de Santiago, Carlos Dosil dará 10 ideas para alcanzar o benestar na terceira idade.

O xoves 28 de maio, á mesma hora, o xeriatra do HULA, José Ramón Martínez Calvo “Envellecemento activo. Diálogo aberto cun xeriatra experimentado”.

E o día 29 a doutora en Filosofía e CC da Educación, Consuelo Santamaría tratará o tema: “Do lamento á esperanza. Vivir o dó e o sufrimento con sentido”.

Accións formativas de Cáritas Lugo

formacion_para_sesempleados

O Programa de Emprego de Cáritas Lugo levou a cabo durante este mes de maio varias accións formativas para o emprego no marco do Programa operativo plurirrexional de loita contra a discriminación. O pasado 4 de maio comezou o curso “Operarios de limpeza” e o día 11 o taller de informática básica para a búsqueda dun posto de traballo. Ambos cursos duran tres e dúas semanas, respectivamente.

No mes anterior, abril, fixérase en Sarria o taller “Atención ás familias no fogar” e culminara en Lugo o programa “Emprégate II”.

Acción formativa de Cáritas e proxecto “Emprégate”

Cáritas Lugo cursiño Ferramentas informáticas para buscar emprego

Ata o 13 de marzo terá lugar a acción formativa: “Informática básica para a procura dun emprego” actividade incluída no proxecto EMPREGO CÁRITAS DIOCESANA DE LUGO no marco do PROGRAMA OPERATIVO PLURIRREGIONAL DE LOITA CONTRA A DISCRIMINACIÓN 2007-2013. Actividade cofinanciada con fondos pertencentes ao Fondo Social Europeo e ao Ministerio de Sanidade, Servizos Sociais e Igualdade IRPF 2014.

Ata o 13 de marzo está aberto o prazo para inscribirse no proxecto Emprégate de promoción e apoio ao autoemprego. É un proxecto que xurdiu no ano 2012, dentro do Programa de Emprego de Cáritas Diocesana de Lugo.

Con Cáritas colaboran das asociacións empresariais Mulleres Empresarias de Lugo e Xoves Empresarios de Lugo. Entidades que formarán parte dun equipo de traballo composto por técnicos de Cáritas, voluntarios de Empresas con Corazón (Proxecto de Cáritas Lugo que busca a colaboración de empresas e autónomos co fin de axudar ás persoas que máis o necesitan) e outros profesionais coñecedores da realidade empresarial actual.

A %d blogueros les gusta esto: