Festival órgano

O martes 4 de xuño ás 20:30 h na igrexa de San Pedro (Lugo) comeza o VI Festival internacional de órgano do Corpus Christi de Lugo coa intervención da Orquestra Vigo 430 baixo a dirección de Isabel Rubio Molina, e Giulio Mercati (Italia) ao órgano.

O concerto ábrese cunha composición de Edward Elgar, Serenata para cordas, op. 20 obra na que se aprecia unha refinada vena melódica e un equilibrio nas formas.

Seguirá o Concerto en sol menor para órgano, cordas e timbais, que é unha obra representativa do repertorio de órgano do século XX, neste caso de Francis Poulenc. Resaltan todos os recursos expresivos do órgano con pasaxes extremadamente delicadas e momentos de grande elocuencia.

Tamén se poderá escoitar o Adagio para cordas é certamente a composición máis coñecida de Samuel Barber, compositor estadounidense, que morreu en Nova York en 1981. Trátase do movemento lento do Cuarteto n. 1,

Este primeiro concerto do Festival internacional de órgano do Corpus Christi remata con outra peza de Samuel Barber, a Toccata Festiva, peza que adopta a estrutura típica do primeiro movemento dun concerto romántico, desde a introdución pianística ata a cadencia final, de virtuosismo exasperado dedicado só ao pedal do órgano.

Este Festival enmárcase no Ciclo europeo de concertos de órgano Lugano—Lugo—Milán—Morbio Inferiore—Saronno “A música do peregrino”.

[Programa completo do Festival]

O 2 de xuño tivo lugar a presentación do último concerto do  III Festival Internacional de Órgano do Corpus Christi de Lugo. No acto interviñeron o director técnico Luis Varela Castiñeira, o director artístico Giulio Mercati e o director do grupo vocal Solo Voces, Fernando Gómez Jácome.

Este cuarto e último concerto será o venres 3 xuño na Catedral ás 20:45 h baixo o título “Tantum Ergo Sacramentum” coas actuacións do Coro Solo Voces (Lugo) e o organista Juan de la Rubia (Barcelona).

No acto de presentación destacouse que o concerto é unha mostra da vocación do Festival de contribuír á divulgación do amplo e valioso patrimonio musical que alberga o arquivo catedralicio, aínda pouco coñecido. O inicio do concerto será co Preludio e fuga en La menor BMW 543 de J. S. Bach seguido de 9 obras para coro e órgano de carácter eucarístico que compuxeron tres mestres de capela da Catedral de Lugo Francisco Tapies Torres, Juan Antonio Moreno Fuentes e Vicente García Julbe.

Tamén se presentou o I Curso de Música Litúrxica do Corpus Christi

Este festival inclúese dentro do ciclo de concertos por Europa chamados “A música do peregrino”, que pretende aglutinar distintos ciclos de música sacra, de órgano, de coral en torno á realidade do Camiño de Santiago.

No primeiro concerto actúa Jean-Christophe Geiser, organista da Catedral de Lausanne e un dos mellores organistas europeos. Será un repertorio espectacular tanto pola calidade como pola facilidade para escoitar tamén para xente que non estea familiarizada con este tipo de música.

[Web do festival]

Organizado polo Centro Eucarístico Lucense, o programa é o seguinte:

1º Concerto “Adoro te devote”. Venres 5 xuño ás 20:45 h na Catedral a cargo de Lindy Rosborg (Dinamarca), órgano

2º Concerto: “Lauda Sion Salvatorem”.

Luns 8 de xuño ás 20:30 h na igrexa de Santiago A Nova, con Stanislav Surin (Eslovaquia), órgano

3º Concerto: “Pange Lingua”.

Xoves 11 xuño ás 20:30 h na igrexa de San Pedro. Interveñen: Giulio Mercati (Italia), órgano; Lidia Basterrretxea (España), voz; Cuarteto Cadencia de Lugo

4º Concerto: “O sacrum convivium”.

Venres 12 xuño ás 20:45 h na Catedral Organista: Stefan Kagl (Alemaña)

[Ver texto de presentación elaborado polo señor Bispo]