Festival órgano

O primeiro dos cinco concertos do Festival Internacional de Música de Órgano do Corpus Christi será na Catedral o martes 7 de xuño ás 21.00 h. Os organistas Enrico Zanovello e Giulio Mercati interpretarán o seguinte programa:

Luigi Cherubini (1760-1842) Sonata para dous órganos (1780)

Joseph Schuster (1748-1812) 7 Variacións para dous órganos

Marian Müller (1724-1780) Sonata para a Pentecoste Sonata para o Santo Nadal

Richard Wagner (1813-1883) Preludio de Os mestres cantores de Núremberg

Transcrición de August Reinhard (1831-1912) – Uxío Domínguez (1999)

Nicolas Sabas Gallardo (1805-1849) Concerto de 8º ton para vésperas clásicas

Giuseppe Verdi (1813-1901) Final a dous órganos da ópera Aida

Transcrición de Francesco Canneti (1807-1884)

Enrico Zanovello. Nado en Vicenza en 1963, dá frecuentes concertos de órgano en importantes festivais de órgano e nas principais catedrais de Italia, Francia, Alemaña, Suíza, Finlandia, Dinamarca, Polonia, Suecia, Países Baixos, España, Bélxica, República Checa, Austria, Escocia, Rusia, Exipto, Arxentina, Uruguai e Estados Unidos. Gravou numerosos CD para as discográficas Brilliant, Ricordi, Discantica, Tactus, Rivo Alto e Fugatto.

Giulio Mercati. Nado en Saronno (Italia) é organista residente na igrexa de Santa María degli Angioli en Lugano e no Santuario della Beata Vergine dei Miracoli en Saronno. En 2019 gravou o disco Interrogatorio a Maria and other sacred works. Na Facultade de Teoloxía de Lugano imparte Historia da música sacra. Dirixe o Grupo Vocal San Bernardo. É cofundador e director do Curso de Música Litúrxica, organizado pola Diocese de Lugo. Prepara a súa tese doutoramento en Teoloxía. Dende agosto de 2021 está a cargo dos eventos musicais organizados pola Diocese de Lugo.

O vindeiro xoves 1 de xullo dá inicio a VII edición do Festival Internacional de Órgano do Corpus Christi de Lugo. Un ano máis este ciclo está organizado pola Diocese de Lugo a través do Centro Eucarístico Lucense, organismo para a promoción do culto eucarístico. Así mesmo conta co patrocinio da Concellería de Cultura, Turismo e Promoción da Lingua do Concello de Lugo.

O Festival propón a estrutura habitual de pasadas edicións, coa novidade da celebración do concerto inaugural o primeiro de xullo ás 20.00 h no Círculo das Artes. Esta primeira cita consistirá nun concerto pouco habitual, no que a expresividade do piano únese ao órgano, algo de grande interese musical e sonoro. O concerto será a cargo de Corrado Greco e Giulio Mercati, e interpretaranse arranxos de Beethoven, Listz, Wagner e Samuel Barber para piano e órgano.

O segundo concerto terá lugar na Catedral de Santa María, o sábado 3 de xullo as 20.45 h. Dado que a Catedral permite o uso simultáneo dos dous órganos cos que está dotada, os organistas Enrico Viccardi e Giulio Mercati interpretarán conxuntamente, no órgano da Epístola e do Evanxeo, obras de Bach, Francisco Olivares, Piazza e Krebs.

O terceiro concerto terá lugar o domingo 4 de xullo as 20.45 h. na igrexa de Santiago a Nova. O pequeno pero fermoso e expresivo órgano Alberdi, servirá de acompañamento, a mans de Stanislav Surin, da delicada voz da soprano Zuzana Sebestova. Ambos músicos son de orixe eslovaca, e Surin visita o Festival por segunda vez. Interpretarán obras de Vivaldi, Händel, Mozart, Bossi, Vierne, obras de compositores eslovacos e do propio Surin que estreará un O salutaris hostia composto a propósito para este concerto.

O cuarto concerto, o 6 de xullo ás 20.45 h. na Catedral de Santa María, ten carácter solístico. O organista alemán Joannes Skudlik, xa habitual do Festival, interpretará nos órganos catedralicios obras clásicas do repertorio organístico de autores como J. S. Bach e tamén de autores menos relacionados co órgano coma Beethoven, Haydn e Mozart.

No último concerto, que terá lugar o 8 de xullo ás 21.00 h. na Catedral de Santa María, un coro de Lugo, Solo Voces, dirixido por Fernando Gómez Jácome, recupera obras do arquivo da catedral de Lugo, neste caso dun dos máis importantes mestres de capela do s. XX: Juan Antonio Moreno Fuentes. A formación coral estará acompañada polo organista italiano Gabrielle Giacomelli, que tamén interpretará pezas solísticas de Zipoli, Vivaldi, Respighi e Bach.

A entrada aos concertos é libre e de balde ata completar a cabida (reducida o 75%). Para asistir o concerto é preciso efectuar rexistro á entrada, co que as portas abriranse 30 min antes do concerto.

O martes 18 de xuño ás 20.45 h na S I Catedral Basílica lucense hai un concerto de órgano a cargo do organista nacido en Nápoles Sergio Orabona. Forma parte do Festival internacional de órgano do Corpus Christi de Lugo.

O programa ábrese co Passacaglia BWV 582 de Johann Sebastian Bach, obra colosal e sublime que non ten equivalente na música de Bach nin nos autores anteriores; a peza está construída como unha serie de 20 variacións sobre baixo ostinato. O resto do programa dedícase case por completo ao repertorio francés entre os séculos XIX e XX: Alexandre Guilmant, Louis James Lefébure-Wély, Claude Debussy…

O martes 11 de xuño ás 20:30 h na Catedral de Sta. María terá lugar o segundo concerto do Festival internacional de órgano do Corpus Christi de Lugo. Intervirán dous organistas italianos, Fabio Ciofini e Giulio Mercati, que interpretarán as seguintes pezas:

• Wolfgang Amadeus Mozart (1756-1791)

Sinfonía n. 40 en sol menor, K 550

Allegro molto, Andante, Menuetto, Allegro

assai

• Francisco Olivares (1778-1854)

Verso de 8º tono para dous órganos

• Wolfgang Amadeus Mozart (1756-1791)

Eine kleine Nachtmusik, K 525

Allegro, Romanze, Menuetto, Rondo