Festival de órgano

O venres 16 de xuño ás 21 h na Catedral conclúe a IX edición do Festival Organístico do Corpus Christi, que organizan Lucense Eucharisticum Centrum e a Diocese de Lugo.

Este concerto final desenvólvese baixo o título Tesouros do Arquivo da Catedral cos seguintes intérpretes:

Mateusz Rzewuski, organista polaco que ten actuado en 22 países europeos, EEUU, Australia, Nova Zelandia, Corea do Sur, Hong Kong. Na última década iniciou varios festivais musicais.

Solo Voces, dirixido por Fernando Gómez-Jácome, é un grupo vocal ben coñecido do Festival de órgano do Corpus Christi.

[Programa]

O luns 12 xuño o organista Norbert Itrich e o trompetista Benjamín Blanes Jover (na imaxe) deron un concerto na Catedral. O martes 13 xuño ás 21 h na igrexa de San Pedro Concentus Angelorum (2 violíns e 1 violonchelo),  Concentus Lucensis e o organista Nicolás Varela interpretan Membra Jesu nostri patientis sanctissima, obra mestra da música vocal de Dietrich Buxtehude (1637-1767). Para seguir este concerto, dirixido por Giulio Mercati, pode consultarse o texto que se canta no programa.

Finalmente o venres 16 xuño ás 21 h na Catedral de Santa María conclúe o Festival coa xornada “Tesouros do Arquivo da Catedral” e os intérpretes serán Mateusz Rzewuski (órgano) e o Grupo Vocal Solo Voces.