Corpiño

O domingo 25 de febreiro, concluíu a Novena de Preparación á Coresma, na que se rezou polos devotos e confrades defuntos da Benaventurada Virxe María do Corpiño.
Ás 18:00 h, o Delegado Episcopal de Ensino e Catequese, o Rvdo. Manuel Areán Fernández, expuxo o relatorio-catequese María, Raíña da Paz, ao cal asistiu un gran número de devotos, do mesmo xeito que ao Camiño dos pastorciños que se viu
incrementado grazas ao bo tempo que acompañou o día.
Todos os venres de Coresma celébrase o Oficio do Vía Crucis ás 17:30 h.
Aínda que en febreiro non terán lugar máis xubileus, todos os domingos, se o tempo permíteo; realízase o Camiño dos pastorciños. O horario de saída do Santuario para realizalo é ás 11:00 h e ás 17:00 h.

O domingo 18 de febreiro, na Eucaristía das 18:00 h, o Delegado Episcopal de Mocidade e Pastoral Universitaria, José Antonio Adrio Carballude, expuxo o relatorio-catequese “A Virxe María, modelo para a mocidade”.

Desde o 17 de febreiro ata o 25, faise a Novena de preparación á Coresma, na que se reza polos devotos e confrades defuntos da Benaventurada Virxe María do Corpiño.

Así mesmo, todos os venres de Coresma celébrase o Oficio do Vía Crucis ás 17:30 h.

O domingo 25 de febreiro, na Eucaristía das 18:00 h, o Delegado Episcopal de Ensino e Catequese, Manuel Areán Fernández, terá un relatorio-catequese titulado “María, Raíña da Paz”

Aínda que en febreiro non terán lugar máis xubileus, todos os domingos, se o permite o tempo; realízase o Camiño dos pastorciños ás 11:00 h e ás 17:00 h.

O domingo 11 de febreiro, celebrouse no Santuario do Corpiño a Solemne

Eucaristía de Descoroación da imaxe da Benaventurada Virxe María.

Cantou o Coro do Santuario, que estreaba o atuendo deseñado para a Coroación Pontificia da Benaventurada Virxe María do Corpiño (24 de xuño de 2018).

Ás 12:00 h comezaba a Eucaristía con gran expectación por parte dunha multitude de devotos que acudiu ao Santuario. Trala homilía, o Reitor do Santuario retirou primeiro o resplandor do Neno Xesús e seguidamente a coroa á imaxe da Benaventurada Virxe María. A continuación o Reitor do Santuario colocou sobre a cabeza das imaxes do Neno Xesús e da súa Nai unhas diademas de flores realizadas en metal dourado.

A diadema do Neno Xesús é de rosas, pero con espiñas. Estas recórdannos a coroa de espinas que levará nos últimos momentos a súa vida na terra.

A diadema da Nai, está realizada de azucenas. Na tradición bíblica a azucena é símbolo de elección. Tal foi o privilexio da Virxe María, a elixida do Señor entre as mulleres de Israel. As azucenas, son ademais símbolo da virxinidade de María.

Unha vez realizada a Descoronación, o Reitor do Santuario, de xeonllos, fixo unha emotiva oración ante a Virxe en nome de todos os presentes. Ao final do acto ofreceuse á Virxe un ramo de flores brancas e uns emotivos e espontáneos vivas.

O domingo 4 de febreiro, celebrouse no Santuario do Corpiño o Xubileu provida, embarazadas e persoas en procura de maternidade.

En torno ás 11:35 h o Reitor do Santuario impartía a Bendición a un gran número de devotos na Carballeira.

Ás 12:00 h comezaba a Eucaristía cunha numerosa cantidade de nenos. Finalizada a Santa Misa os nenos recibiron a Bendición individualmente. Cada neno, tras ser bendicido, puido bicar o manto da Nosa Señora do Corpiño.

Pola tarde, á Eucaristía das 18:00 h acudiron centos de devotos en oito autobuses procedentes de diversos puntos de Galicia.

O último domingo de xaneiro, celebrouse no Santuario do Corpiño o Xubileu dos medios de comunicación. Os peregrinos que realizaron o Camiño dos pastorciños reuníanse na Carballeira do Santuario (onde recibiron a bendición) ás 11:40h, co Reitor do Santuario e un gran número de devotos chegados de diversos lugares (Pontevedra, Bueu, Cangas).

Ás 12:00 h, tivo lugar a Eucaristía dedicada a todos os medios de comunicación. Ao terminar impartiuse a bendición a todos os presentes.

A vindeira fin de semana non haberá un Xubileu senón dous:

• O sábado 3 de febreiro, ás 12:00 h. celebrarase o Xubileu das comunidades relixiosas de vida activa e contemplativa. Neste caso, ao ser sábado non se realiza o Camiño dos Pastorciños, pero si recíbese aos devotos na Carballeira do Santuario ás 11:35 h, onde se impartirá a bendición. Ás 12:00 h, dará comezo a Eucaristía presidida polo Bispo da Diocese, Mons. Alfonso Carrasco Rouco.
• O domingo 4 de febreiro, realizarase o Xubileu provida, embarazadas e persoas en procura de maternidade.