Catedral

O día 8 autoridades civís e relixiosas, diante da Catedral, fixeron saber a súa satisfacción polo recoñecemento como Patrimonio Mundial do Camiño Primitivo e do Norte, ademais das catedrais sitas nas devanditas rutas xacobeas.

O bispo de Lugo, Alfonso Carrasco Rouco, subliña que “o Camiño e a Catedral son realidades vivas, que teñen dentro a savia que as fixo nacer”, polo que tamén lembra a necesidade de “coidar dese patrimonio no que ten de vivo”, porque “unha casa que ten xente dentro consérvase ben”.

O xoves, día 9 de xullo, a Catedral celebra este recoñecemento coa celebración solemne do Xoves Eucarístico e posterior procesión (20 h).

Ao finalizar os actos litúrxicos, na praza de Santa María haberá unha serie de actos musicais e lúdicos aos que se invita a que participen todos os lucenses: proxección de imaxes sobre a fachada da Catedral, actuación de corais, gaiteiros “Os Xílgaros”, charanga Madialeva….

O 20 de decembro ás 12 h, o Bispo da Diocese, Mons. Alfonso Carrasco Rouco entregou o nomeamento como novo deán da Catedral de Lugo a Gonzalo Fraga Vázquez. Na entrega do seu nomeamento estivo presente o Vicario Xeral e secretario do cabido catedralicio, Mario Vázquez.

Gonzalo Fraga fora elixido o pasado 13 de decembro polo pleno do cabido como deán da Catedral para os próximos 4 anos.

D. Gonzalo Fraga Vázquez desempeña, desde o venres 15 de novembro, o cargo de Deán da Catedral de Lugo, ao ser admitida a renuncia presentada por quen até agora exercía dito oficio, D. Luciano Armas Vázquez.

D. Gonzalo Fraga asume este cargo por ser o cóengo en activo máis antigo en precedencia, tal e como sinalan os estatutos do cabido lucense, mentres non se proceda á elección e posterior nomeamento dun novo Deán.