cáritas Lugo

Comunicado da Rede Galega contra a Trata

 A REDE, con motivo da organización en Lugo o 19 de setembro da III Xornada contra a Trata, quere manifestar a necesidade de traballar nos seguintes puntos:

1. Os avances lexislativos e medidas políticas realizadas entre 2008 e 20131 son claramente insuficientes. Séguense a incumplir compromisos adquiridos por parte do Estado Español na trasposición da Directiva Europea 2011/36/UE relativa á Prevención e Loita contra a Trata de seres Humanos e a Protección das Víctimas de forma completa. Por elo, é necesario a aprobación dunha lei integral contra a trata.

2. Ausencia de perspectiva de xénero e de dereitos humanos: non se toman medidas para evitar a re-victimización das vítimas intervindo dende un enfoque de política migratoria e de seguridade do Estado. Non existe, por tanto, unha abordaxe integral contra a trata nin o recoñecemento específico dun estatuto formal de vítima de trata (acceso a dereitos sociais, sanitarios, laborais, de protección integral, de acceso a xustiza e reparación do dano…) nin tampouco de protección integral e adecuada (siempre dependen da interposición dunha denuncia e da colaboración na investigación policial).

Ler máis

Sensibilización contra a trata de persoas nos escaparates do centro de Lugo

Xornada sensibilización sobre a trata

O 2 de setembro, Cáritas Diocesana de Lugo, Aliad-Ultreia e a asociación Enriqueta Otero realizaron un acto público de sensibilización contra a trata de persoas. Dúas tendas de Lugo, nas rúas Raíña e San Pedro, cederon os seus escaparates para que unha actriz representase ás vítimas de explotación sexual: a súa angustia, impotencia, desolación; mostrando unha última mensaxe: “En Lugo, hai trata de persoas”.

A reacción do público congregado ante a posta en escena que levou a cabo a actriz de Palimoco Teatro, Ángela Beltrán Álvarez, foi filmada para ser mostrada dentro dos actos da III Xornada contra a trata, que terá lugar en Lugo o próximo 19 de setembro na Facultade de Humanidades.

XX Campamento urbano de Cáritas

Campamento urbano cartel

 O Servizo de Infancia e Xuventude de Cáritas Lugo organiza o XX Campamento urbano do 14 ao 25 de xullo. A inscrición faise ata o 11 de xullo en Cáritas Diocesana de Lugo, avda. das Américas, 93, Lugo, teléfono 982 25 12 47. As actividades terán como lugar base o colexio María Auxiliadora e haberá deporte, xogos, obradoiros, excursión e festa. Están destinadas a nenos e nenas de 8 a 12 anos. O lema desta edición é “20 anos, 20 historias”.

Cáritas Lugo, 50 anos de encontros

 

En 2014 Caritas Diocesana de Lugo cumpre 50 anos; isto non significa que antes desta data non houbese un servizo máis ou menos organizado de axuda aos nosos irmáns na

Diocese lucense.

A historia de Caritas de Lugo ao longo destes anos está formada por multitude de encontros. Encontros que fixeron posible que moitas persoas atopasen unha man no seu camiño que Iles permitiu avanzar no seu proxecto vital.

Cáritas entende por Encontro a colaboración entre persoas libres e responsables porque toda persoa é capáz e ten posiblidades; toda persoa é libre e ten dereito a tomar decisións fundamentais para a súa vida. Cáritas aposta polo protagonismo das persoas na súa emancipación.

A vida humana está chamada ao Encontro Solidario e realízase no Encontro Fraterno. En cambio, no illamento, na exclusión social, deshumanizámonos e na confrontación e na guerra aniquilámonos.

Deus saiu ao Encontro do home mediante o misterio da Encarnación “Acampando entre Nós”, para constituírnos fillos e irmáns.

Por isto, Cáritas Diocesana de Lugo escolleu como lema “50 anos de encontros”.

 

Mensaxe do Papa Francisco a Cáritas diocesana de Lugo con motivo do seu 50 aniversario

Na Eucaristía de acción de grazas que se celebrou o 4 de xuño na Catedral de Lugo con motivo dos 50 anos da fundación de Cáritas diocesana, o secretario da Congregación para os Institutos de Vida Consagrada e Sociedades de Vida Apostólica, Mons. Rodríguez Carballo, leu a mensaxe que o papa Francisco quixo enviar á comunidade diocesana de Lugo con este motivo.

Despois de saudar ao Bispo de Lugo, Mons. Alfonso Carrasco Rouco, e ao director de Cáritas diocesana, Ginés Plaza, aos traballadores e voluntarios desta institución o Papa Francisco, en palabras de San Ignacio, lembrounos que: “Deus traballa por nós”. A Súa Santidade manifesta na mensaxe que “a evanxelización dirixida gratuitamente aos pobres é signo do reino que Deus veu a traer”; e que “fe e caridade van da man porque o amor compróbase máis coas obras que nas palabras”.

Tamén tivo palabras de alento cara aos que colaboran activamente na Cáritas diocesana de Lugo animando a sexan “valentes para expresar o amor de Deus con formas novas e creativas. Saíde de estruturas que vos impidan comunicar esta caridade sen medida e ata o extremo. Sede casa aberta do Pai da misericordia, sede Igrexa en saída e non esperedes que os pobres chamen ás vosas portas”.

Por último o Papa afirmou que “a situación de pobreza hoxe alcanza niveis inadmisibles”, e por iso en necesario dicir: “NON! a unha economía de exclusión e de inequidade”

Ademais de eloxiar os distintos programas que Cáritas diocesana de Lugo ten en marcha, o Santo Padre animou aos voluntarios e traballadores de Cáritas “a crear novas plataformas que posibiliten maior amor e servizo aos irmáns”.

A %d blogueros les gusta esto: