camino de santiago

Peregrinación a Santiago da Parroquia de San Antonio (Lugo)

O 15 de outubro culmina o Camiño de Santiago que organiza desde o pasado mes a Parroquia San Antonio de Padua, de Lugo. Os sábados un grupo de persoas con idades comprendidas entre os 2 e os 82 anos estiveron facendo unha etapa do Camiño Primitivo.

O 14 de outubro faise a etapa Santa Irene – Monte do Gozo. E tras pernoctar no Monte do Gozo, fai a etapa final ata Compostela, onde se asistirá ás 12 h á Misa do Peregrino.

Para as persoas que non fan a peregrinación a pé pero desexen participar en devandita Misa haberá un autobús desde Lugo o día 15.

Alberte Leiva abre as IX Xornadas divulgativas do Camiño

 

O Centro Penitenciario de Bonxe, na semana da Nosa Señora da Mercé, acolle as IX Xornadas divulgativas do Camiño Primitivo. Trátase de dar a coñecer a ruta xacobea nos seus variados aspectos: relixioso, histórico, paisaxístico… e fomentar a cultura xacobea no ámbito penitenciario. O programa deste ano é o seguinte:

MARTES 19 ás 17:45h

Presentación das Xornadas a cargo de D. Álvaro Nuevo García, Director do Centro Penitenciario de Bonxe -Lugo.

Conferencia: “Roma-Santiago, Camiño en espíritu e verdade”, por D. Alberte Leiva Torreiro, párroco de San Antonio de Padua (Lugo), licenciado en Maxisterio, profesor no Colexio Divino Mestre.

MÉRCORES 20 ás 17:45h

Conferencia: ” O Camiño primitivo do Acebo a Lugo”, por D. Manuel Muñiz Besteiro, Licenciado en Galego-Portugés, profesor no Instituto Gregorio Fernández de Sarria, sindicalista, presidente da Asociación Amigos do Patrimonio de Castroverde e socio de varias Asociacións culturais e veciñais.

XOVES 21 ás 17:45h

Conferencia: “El Camino como intervención terapéutica”, por D. Roberto Fernández Villamil, Subdirector de Tratamento do Centro Penitenciario de Bonxe-Lugo.

Proxección da montaxe audiovisual “Lembranzas do Camiño Primitivo”. Participan José Peña Lage, secretario da Asociación Viandantes do Camiño Primitivo e internos da prisión.

 

Tamén está en marcha o V Encontro de Pastoral Penal de Galicia, que este ano preside Mons. D. Alfonso Carrasco

Peregrinación a Santiago organizada pola Parroquia de San Antonio de Padua (Lugo)

A Parroquia San Antonio de Padua de Lugo organiza unha peregrinación a Santiago polo Camiño Primitivo os sábados de setembro e outubro:

2 de setembro: Lugo – San Román da Retorta

9 de setembro: San Román da Retorta – As Seixas

16 de setembro: As Seixas – Melide

23 de setembro: Melide – Arzúa

30 de setembro: Arzúa – Santa Irene

14 de outubro: Santa Irene – Monte do Gozo

15 de outubro: Monte do Gozo – Santiago de Compostela, onde se asistirá ás 12 h á Misa do Peregrino na Catedral

Cada día a saída é ás 9 h e o regreso ás 18h, excepto o 14 de outubro, que se fai pernocta no Monte do Gozo.

Encontro dos bispos franceses e españois do Camiño de Santiago

Os días 11 e 12 de xullo, unha trintena de bispos franceses e españois de dioceses do Camiño de Santiago reúnense en Compostela, para potenciar a atención aos peregrinos e cultivar a espiritualidade do Camiño.

Os actos comezaron o día 11 ás 8:30 cunha Misa en privado; ás 10h oración dirixida por Mons. M. Aillet e presentación de Mons. Julián Barrio. Ás 11:30 Adeline Rucquoi pronuncia a conferencia “As relacións de Francia coa Catedral de Santiago e as peregrinacións”. O resto dos actos do día son o propio encontro dos bispos e visitas a lugares xacobeos.

Peregrinación a Santiago organizada pola Parroquia de San Francisco Xavier

A Parroquia San Francisco Xavier de Lugo propón facer o Camiño de Santiago en familia. Trátase de peregrinar a Compostela polo Camiño Primitivo en distintos sábados dos meses de abril, maio e xuño.

Faise coa idea de ter unha experiencia de fe, coñecer máis ao Apóstolo e a Xesús; cultivar os lazos familiares e a calor nunha verdadeira viaxe en familia; tempo de calidade para os fillos nun acompañamento profundo onde poder coñecerse mellor; lazos de amizade con outras familias; descubrir o patrimonio cultural; experimentar os valores de entrega, esforzo, axuda aos demais, compartir.

As etapas son as seguintes:

  • Lugo – O Burgo, 1 de abril

  • Retorta – Augas Santas, 6 de maio

  • Melide – Ribadiso, 20 de maio

  • Monte do Gozo – Santiago de Compostela, 10 de xuño

A %d blogueros les gusta esto: