O martes 12 de febreiro de 2019 ás 17.30 horas no salón de actos do Colexio Salesiano Divina Pastora de Lugo tivo lugar unha sesión formativa para o profesorado dos colexios de Escolas Católicas da cidade de Lugo sobre o tema do acompañamento educativo. É unha cuestión prioritaria no labor educativo de chegar a cada mozo e axudar a sacar o mellor que eles poden dar. O acompañamento na educación está a converterse nunha necesidade e unha urxencia ante as situacións vitais e familias da mocidade.
O relator foi o filósofo e psicólogo Xosé Manuel Domínguez Prieto. Actualmente é o director do Instituto da Familia de Ourense. Houbo microtalleres prácticos nos que se trataron temas como: educar implica acompañar; Que é acompañar?; O método do acompañamento; Acoller; A arte de escoitar; A arte de preguntar; Descubrir necesidades; Acompañar nas dificultades.
O acto estivo organizado polo Centro de Orientación Familiar Diocesano de Lugo