O venres día 6 celebrouse unha Misa solemne, coa actuación do Coro de San Antonio. Inaugurouse o panel “Xuntos facemos parroquia” donde se recolle a historia da parroquia e houbo unha conferencia de Francisco Castro Miramontes: “Antonio de Padua home de Deus”
O sábado día 7 celebrouse o concerto “Xuntos facemos parroquia” con intervencións do grupo folk Sons da eira (Ourense) e o conxunto de música clásica Ethos (Lugo). Tamén se pasou unha proxección sobre a vida da parroquia nestes 50 anos. Foi un pequeno homenaxe a todas as persoas que contribuíron coas súas capacidades e compromiso a erguer esta comunidade. Especialmente tívose un recoñecemento para Don Gonzalo o párroco fundador.
O domingo día 8, o Bispo de Lugo presidiu unha Misa solemne e a continuación houbo un xantar de irmandade dos fregueses.
Parroquias
Conto de Nadal no Salón Parroquial da igrexa de San Froilán
O 23 de decembro, Conto de Nadal, ás 6 da tarde no Salón Parroquial da igrexa de San Froilán.
Campaña “Doce Nadal” da parroquia de Santiago A Nova
Os días 17 e 18 pola mañá e pola tarde na sacristía vella da parroquia lucense de Santiago A Nova hai unha exposición e venda de repostería, productos ecolóxicos. O obxectivo é que nestas datas os máis necesitados teñan na súa mesa o calor da solidariedade dos seus veciños. Na Campaña de Nadal do ano pasado recadáronse máis de 2.800 €.
Campaña de Nadal da Cáritas da Milagrosa
Na parroquia da Milagrosa de Lugo comezou a campaña de Nadal de Cáritas. A recollida de alimentos e donativos fanse na igrexa e despacho parroquial. Repartición de alimentos todos os xoves e repartición da bolsa extraordinaria de nadal o día 23 de decembro pola mañá.
O venres 16 de decembro hai unha cea benéfica de Cáritas a fin de recadar fondos para os necesitados. O prezo da invitación é de 10€, será integramente destinado como donativo á Campaña de Nadal. As invitacións están á venda no despacho parroquial e na misa de 19,30 horas.
Celebracións no mes de decembro en San Francisco Xavier
A parroquia de San Francisco Xavier celebra este ano as vodas de ouro. Para conmemorar eses 50 anos desde a súa fundación, realizáronse varios actos en meses anteriores. E o día 3 de decembro, hai varios actos máis:
- misa en honra a San Francisco Xavier, ás seis e media.
- inauguración da exposición fotográfica titulada 50 anos en camiño.
- comida fraterna aberta a todos os fieis.
O 17 de decembro haberá un festival a beneficio de Cáritas en colaboración co Concello no centro social de Fingoi a partir das cinco e media. Haberá actuacións de nenos de colexios do barrio, grupos musicais… Ademais, fíxose unha campaña de difusión destas actividades nos domicilios para fortalecer os vínculos interparroquiais.