Parroquias

Os 9 Días de Javier, a Novena da Graza, é nos primeiros días de marzo na parroquia de San Francisco Xavier de Lugo.

A novena comeza o domingo día 4 e marzo. Horarios da Novena:

Pola mañá, ás 7 e media hai Rosario e Procesión; ás 8 e 12, Novena e Eucaristía.

Pola tarde, ás 6 Rosario; ás 6 e media e ás 8, Novena e Eucaristía.

O Padre predicador é o Rvdo. Padre Taboada, misioneiro xesuíta.

Actos Especiais

Día 6. Unción de enfermos ás 4:30 da tarde

Día 8. Celebración comunitaria do perdón ás 7 da tarde

Día 10. Dedicado á Virxe. Procesión de Fachos despois da Eucaristía das 8 da tarde

Día 11. Procesión desde o Barrio de Montirón ás 9:30 da mañá

Día 12. Darase a venerar a reliquia do Santo nas eucaristías

Hai confesións en todos os actos.

A Novena retransmitirase por COPE.

O Pregón da Novena da Graza en San Francisco Xavier, Lugo, é o 26 de febreiro na Eucaristía das 12:30. Como pregoeiro está o Rvdo. D. Benito Rodríguez Guerreiro, Delegado episcopal de pastoral xuvenil e párroco na Diocese de Tui-Vigo.

A novena comeza o domingo 4 de marzo.

Celebración de laudes ás 7:30 e un tempo para a oración persoal (ata as 8:30) os días laborables, de luns a venres.

Para vivir o espírito coresmal con máis intensidade, na parroquia de San Froilán.

O 21 de xaneiro é o día de Nosa Señora de Altagracia, considerada polos católicos da República Dominicana, como a Nai Protectora e Espitirual do seu país.

A partir das cinco da tarde do día 21 os dominicanos que viven en Lugo terán un encontro nas dependencias parroquiais da Milagrosa. E ás 19:30 celébrase unha eucaristía en honor á Virxe de Altagracia á que soen asistir unhas 80 persoas do país americano.

O párroco da Milagrosa, José Antonio Ferreiro coñeceu hai anos o santuario desta virxe, cando pasou unhas semanas en Santo Domingo, onde está o misioneiro lucense Manuel Bodenlle.

Despois de clausurar no mes de xaneiro as celebracións polos cincuenta anos de existencia como parroquia, san Antonio de Padua de Lugo lanzou ao ciberespacio a súa páxina web.

Nunha das seccións precisamente informan deses actos do seu cincuentenario. Pero a nova páxina web xa ten moitas outras seccións: Parroquia, Cáritas, Catequese, Horarios, Oracións a san Antonio, Equipo de Liturxia, Vida e Obra do patrono, Historia parroquial, Album de Fotos, Evanxeo do día.

O enderezo é www.sanantoniodepadualugo.es/