Vida e actualidade da Diocese de Lugo
A Confraría lucense do Desencravo organiza un Triduo en honra á nosa Nai, a Virxe das Dores, os próximos días 13, 14 e 15 de setembro. Será na igrexa conventual dos Franciscanos de Lugo, co seguinte horario:
– Ás 19,00 horas: Santo Rosario.
– Ás 19,30: Eucaristía.
O predicador é Frei Amado González, Superior do Convento Franciscano de Lugo, e anterior Ministro da Provincia Franciscana de Santiago.
No Mosteiro de Poio entre os días 12 e 14 de setembro de 2011.
Organizan: Delegacións para o Clero das Dioceses galegas
Co título “O presbítero: discípulo e mestre da palabra”, o programa é o seguinte:
Luns 12
12:00 1ª Ponencia e diálogo: “El misterio del Dios que nos habla: Dimensiones teológicas de la Palabra de Dios”, por D. Domingo Muñoz León.
16:30 2ª Ponencia e diálogo: “El sacerdote y la Palabra de Dios”, por D. Juan Miguel Díaz Rodelas.
18:30 Obradoiros: Lectio divina (P. José Mª García Trapiello, O.P.), Palabra de Deus e música (Javier Rodríguez e Comunidade de Caná), Palabra de Deus e Liturxia (D. Manuel Castro Gay), Experiencia de grupos bíblicos (D. Francisco Pernas de Dios).
20:30 Vésperas – Eucaristía.
22:30 Vixilia de Oración.
Martes, 13:
8:30 Laudes – Eucaristía.
10:15 3ª Ponencia e diálogo: “La interpretación de la Sagrada Escritura en la Iglesia”, por D. Domingo Muñoz León e D. Juan Miguel Díaz Rodelas.
12:30: Ademais dos obradoiros xa mencionados: Palabra de Deus e novas tecnoloxías (P. Eugenio González, O.S.B.).
16:00 Convivencia. Excursión pola ría de Vigo e visita á Illa de S. Simón.
Mércores, 14:
8:30 Laudes – Eucaristía.
10:15 4ª Ponencia e diálogo: “La Biblia de la Conferencia Episcopal Española: Historia y criterios de un proyecto eclesial”, por D. Domingo Muñoz León e D. Juan Miguel Díaz Rodelas.
12:30 Mesa redonda: “A Palabra de Deus na vida”.
Interveñen: D. Bruno Fuentes (Sacerdotes del Prado); P. Eugenio González, O.S.B. (Focolares); D. José Luis González (Vida Ascendente).
13:30 Clausura.
Os mozos Samuel e Ruth e o sacerdote Miguel Álvarez, que participaron na Xornada Mundial da Mocidade, en Madrid, falarán das súas experiencias neste evento. Será o venres, día 9 de setembro no salón grande da parroquia de San Froilán de Lugo.
Festa anual da familia adoradora da Diocese de Lugo o día 11 de setembro en Portomarín. O programa é o seguinte:
– Ás 11.00 horas: Recepción de adoradores, familiares e amigos na Casa da Cultura de Portomarín.
– Ás 11.30 horas: Charla a cargo do Delegado de Zona de Xuvenís e Tarsicios da A. N. E.
– Ás 12.00 horas: Procesión de Bandeiras até a Igrexa Parroquial.
– Ás 12.30 horas: Rezo de Laudes e Eucaristía (Misa do pobo)
– Ao finalizar, actuará un grupo musical na praza do Peregrino (fronte á Igrexa)
– Ás 14.30: Comida de confraternidade
– Ás 17.00 horas: Saída cara a Ferreira de Pallares (Guntín) onde se visitará o antigo mosteiro, se rezará o Santo Rosario e haberá unha ofrenda floral ante a imaxe da Santísima Virxe, na igrexa monacal.
De Lugo parten autobuses ás dez da mañá desde a Mosqueira (preto da estación de autobuses) realizando as paradas en sindicatos e na “Fonte dos Ranchos”.
A Fundación O Noso Lar celebra en Santalla de Lóuzara o domingo 21 a Festa de Convivencia cos Nosos Maiores, na que participarán unhas 1.700 persoas do concello de Samos.
Ás doce da mañá será a Eucaristía, presidida por Miguel Gómez. Despois, os voluntarios ofrecerán un pregón, os veciños maiores de 90 anos serán homenaxeados e servirase unha comida gratuíta. A actuación musical corre a cargo da charanga NBA da Coruña.
Durante a celebración da festa repártese o último número da revista semestral que publica a Fundación O Noso Lar.
A festa celébrase nesta ocasión baixo a lema Somos nós.
Somos nós: maiores, xoves e nenos, os que xuntos levamos vinte anos dándonos o pracer de celebrar e gozar da festa de convivencia cos nosos maiores. Unha verdadeira festa de fraternidade, na que se comparte alegría, humor, amizade, fe…
Somos nós, os que desde hai vinte anos vimos organizando actividades cos maiores e cos máis novos que ofrecen oportunidades para subsanar as dificultades de vivir na aldea. Todos xuntos o facemos posible porque somos nós…
Somos nós, os que co noso traballo, a nosa xenerosa aportación e gratuíta colaboración, facemos que se poidan levar a cabo as actividades. É este un aspecto importante que convén non olvidar para evitar que nos enganen, e sobre todo para sentirnos orgullosos do que somos capaces de facer xuntos.