A Nosa Voz

A xornada comeza en torno ás 11.30 da mañá coa xuntanza na casa consistorial dos representantes das outras seis capitais do antigo Reino de Galicia (, autoridades provinciais e autonómicas. Mentres tanto, na praza ante a casa consistorial forman a banda de música de Lugo e os Lanceiros de Lugo.

Os acompañantes das diferentes autoridades hóspedes son discretamente conducidos, á marxe da comitiva oferente, cara ao seu lugar reservado na catedral.

A comitiva de oferentes forma ante o concello e diríxese á Catedral, onde son recibidos, aos acordes do himno do antigo Reino de Galicia, polas autoridades eclesiásticas: Bispo e o cabido lucenses, bispos galegos e o de Astorga, prior do mosteiro de Samos.

A comitiva accede á Catedral e ocupa os seus lugares. Está á cabeza o delegado rexio, o alcalde de Lugo, flanqueado polo restantes seis representantes municipais. O delegado queda emprazado fronte ó altar onde se mostra o Sacramento. Esta disposición coincide coa que hai no escudo de Galicia, onde as sete cruces están en torno ao cáliz: unha, sobre este, na parte superior, e as outras seis, tres a cada lado do mesmo.

Tras o credo litúrxico, ten lugar o acto da Ofrenda, no que o delegado rexio, acompañado por dous clérigos e ante os restantes representantes municipais, diríxese ao altar para pronunciar solemnemente os votos asociados.

Este ano, o alcalde encargado de realizar a Ofrenda é o de Lugo, aínda que lle correspondería ao de Tui. Estes dous concellos e o Bispado acordaron facer o cambio para realzar a conclusión das obras na Catedral e o traslado do culto ao Santísimo ao seu altar maior.

A Ofrenda consiste nunha alocución solemne, que é contestada a continuación polo Bispo de Lugo na homilía.

Ao final da celebración, o Bispo imparte a bendición papal.

A continuación, os congregados saen cara ao exterior en comitiva procesional aos acordes do himno do antigo Reino de Galicia.

O Servizo de Acollida e Atención a Marxinados e Excluídos de Cáritas Diocesana de Lugo dá a coñecer a Folla de Caridade.

ALGUÉN ESPERA A TÚA AXUDA

1. Matrimonio de anciáns, el enfermo e cunha tía maior ao seu cargo. Necesitan para o aluguer 385 euros.

2. Muller enferma con dúas fillas, unha delas cunha minusvalía, e percibindo o subsidio por desemprego. Necesitan para vivenda e subministracións 620 euros

3. Matrimonio novo, cunha nena pequena enferma, ambos con traballos precarios. Necesitan para medicamentos 90 euros.

4. Muller separada, con tres nenos, sen recursos. Necesita para as súas necesidades básicas 270 euros.

5. Home só, sen recursos, pendente de percibir a RISGA. Necesita para aluguer 400 euros

Cerca de 200 persoas, entre sacerdotes e seglares de distintas parroquias da diocese de Lugo participaron no Cebreiro na clausura do curso pastoral 2011-2012. O bispó de Mondoñedo-Ferrol pronunciou una conferencia centrada no Ano da Fe que o Papa propuxo celebrar a partires de outubro próximo. Estivo acompañado do bispo lucense, Mons. Alfonso Carrasco Rouco, quen presidíu os actos do día.

[Escoitar conferencia de Mons. Sánchez Monge]

O Arcebispo de Santiago en Lugo

O luns, a Novena ao Santísimo estivo presidida polo bispo de Astorga, Mons. Camilo Lorenzo. Aludiu ao privilexio da exposición permanente do Santísimo en Lugo, cidade na que é doado acercarse a saudar a Xesús, falarlle da preocupación pola familia e o mundo, rogándolle que nos acompañe no traballo, na alegría…

Mons. Julián Barrio presidiu a Novena ao Santísimo o martes. Na homilía considerou urxente que a Eucaristía se abra paso na nosa cultura secularizada. Para iso debemos ser luz do mundo, “o que significa deixar espazo a Cristo nas nosas vidas. Manter acendida a chama é unha conquista de todos os días, sabendo que en caso de apagarse, temos que acendela en Cristo”.E n conclusión, “a nosa vitalidade cristiá depende da Eucaristía, de tal forma que sen vida eucarística non pode haber senón aparencias ou convencionalismos de vida cristiá”.

O mércores 13, o bispo de Tui-Vigo, Mons. Luís Quinteiro Fiuza, presidiu a Novena. Durante a homilía destacou a fidelidade de Lugo a unha devoción tan central como é a Eucaristía. E sobre esta afirmou que é necesaria para que haxa vitalidade en distintos ámbitos: o persoal, o familiar e o eclesial.

O xoves 14, o bispo de Mondoñedo-Ferrol, Mons. Manuel Sánchez Monge, considerou moi unidas a devoción ao Sagrado Corazón de Xesús e a devoción eucarística. Tamén afirmou que a Eucaristía favorece que sexamos heraldos do amor de Cristo.

O venres 15, quen preside a Novena é o bispo de Ourense, Mons. Leonardo Lemos. No seu caso, o tema é A Eucaristía: don infinito de amor que transcende toda sabedoría humana.

Á mesma hora, (oito da tarde) o sábado hai vésperas solemnes e Misa, presidida polo Bispo de Lugo (tema: A Eucaristía, presenza real do Señor resucitado), e a Novena conclúe o domingo, cando presidirá D. Luciano Armas Vázquez, deán da Catedral, e que fai a homilia en torno á Eucaristía, acción de grazas a Deus.