Cursiño de ingreso no Seminario Diocesano de Lugo

Do 27 ao 29 de xuño terá lugar o cursiño de ingreso e selección (en réxime de residente) no Seminario. Trátase dun cursiño necesario para poder matricularse e que axuda a decidir se o Seminario é a mellor opción para o interesado. Tamén haberá un cursiño entre o 10 e o 12 de setembro.

Para o Seminario, cada seminarista é unha persoa única a súa vida e a súa formación son o máis importante. Algunhas das características da educación recibida son:

  • Atención personalizada

  • Formación e acompañamento espiritual

  • Control axustado ao uso da liberdade persoal

  • Infraestrutura excelente, con espazos novos, cuartos individuais

  • Profesorado experimentado

  • Estudos acompañados

  • Actividades complementarias e extraescolares

690 peregrinos desde Lugo a Lourdes

O lema do ano 2012 é: Rezar o Rosario con Bernardita. A gran familia dos fillos de Deus e María

Este ano 2012 peregrínase nunha única vez: do martes 26 ao sábado 30 de xuño.

PROGRAMA DA PEREGRINACIÓN A LOURDES

– MARTES 26: Saen 13 autobuses desde Silleda – Lalín, Chantada, Escairón, Monforte, Pobra de Brollón, Sarria, Rábade, Viveiro, Terra Cha, Meira, A Fonsagrada, Lugo e Monterroso.

– ACTOS EN LOURDES:

Misa de presentación; Vía Crucis no Monte; Vía Lucis; Eucaristía Internacional, na Gruta e de Despedida; Procesións; Excursións ás famosas Covas de Lourdes, aos Pireneos; Convivencia-Festa; etc.

– SÁBADO 30: Regreso a Lugo, ás 23,00 horas.

Na peregrinación participan uns 690 peregrinos de todas as zonas da Diocese de Lugo, acompañados duns 30 sacerdotes e os 18 compoñentes da Directiva da Hospitalidade. Os peregrinos participantes son: enfermos, persoal sanitario e peregrinos, todos eles socios da Hospitalidade de Lourdes.

Celebracións no Corpiño

Desde o día 15 vén celebrándose a Novena a Nosa Señora do Corpiño, Losón, presidida polo P. Rogelio (pasionista). pola mañá é ás 10 h; pola tarde ás 18 h. con procesión. As misas matutinas na fin de semana comezan ás 9 e as vespertinas ás 5 da tarde.

 

  • Misa de enfermos ás 11h, presidida polo reitor do santuario, rvdo. D. José Donsión o sábado 23 e o domingo 24.

  • Misa solemne sábado e domingo ás 12h e deseguido procesión coa Santísima Virxe. A Misa do domingo está presidida polo Sr. Bispo, Mons. Alfonso Carrasco e cantada pola Polifónica de Rodeiro.Tamén está prevista a intervención da Nova Banda de Vilatuxe e Nova Lira de Prado.

Mons. Alfonso Carrasco publica Para una comprensión cristiana del Camino de Santiago

Publicacións Diócesis de Lugo vén de publicar o traballo de Mons. Alfonso Carrasco titulado Para una comprensión cristiana del Camino de Santiago. O Bispo considera a ruta xacobea como “un fenómeno espiritual de primeira orde na Igrexa e a sociedade actual”. Mons. Alfonso Carrasco escribe sobre a peregrinación en xeral, sobre a historia do Camiño de Santiago e sobre a peregrinaxe como tempo de verificación da fe.

A publicación complétase cunha sección que recolle textos do Novo Testamento axeitados para ser lidos, por exemplo, polos peregrinos, varias oracións e un espazo para anotacións persoais.

 

A %d blogueros les gusta esto: