Na última semana do mes de xuño 26 ao 29 será esta Acampada para adolescentes que organiza o Servizo de Infancia e Xuventude de Cáritas Diocesana de Lugo.
Para inscribirse, dirixirse á Avda. das Américas, nº 93.
Vida e actualidade da Diocese de Lugo
Na última semana do mes de xuño 26 ao 29 será esta Acampada para adolescentes que organiza o Servizo de Infancia e Xuventude de Cáritas Diocesana de Lugo.
Para inscribirse, dirixirse á Avda. das Américas, nº 93.
O lema do ano 2012 é: Rezar o Rosario con Bernardita. A gran familia dos fillos de Deus e María
Este ano 2012 peregrínase nunha única vez: do martes 26 ao sábado 30 de xuño.
PROGRAMA DA PEREGRINACIÓN A LOURDES
– MARTES 26: Saen 13 autobuses desde Silleda – Lalín, Chantada, Escairón, Monforte, Pobra de Brollón, Sarria, Rábade, Viveiro, Terra Cha, Meira, A Fonsagrada, Lugo e Monterroso.
– ACTOS EN LOURDES:
Misa de presentación; Vía Crucis no Monte; Vía Lucis; Eucaristía Internacional, na Gruta e de Despedida; Procesións; Excursións ás famosas Covas de Lourdes, aos Pireneos; Convivencia-Festa; etc.
– SÁBADO 30: Regreso a Lugo, ás 23,00 horas.
Na peregrinación participan uns 690 peregrinos de todas as zonas da Diocese de Lugo, acompañados duns 30 sacerdotes e os 18 compoñentes da Directiva da Hospitalidade. Os peregrinos participantes son: enfermos, persoal sanitario e peregrinos, todos eles socios da Hospitalidade de Lourdes.
Desde o día 15 vén celebrándose a Novena a Nosa Señora do Corpiño, Losón, presidida polo P. Rogelio (pasionista). pola mañá é ás 10 h; pola tarde ás 18 h. con procesión. As misas matutinas na fin de semana comezan ás 9 e as vespertinas ás 5 da tarde.
Misa de enfermos ás 11h, presidida polo reitor do santuario, rvdo. D. José Donsión o sábado 23 e o domingo 24.
Misa solemne sábado e domingo ás 12h e deseguido procesión coa Santísima Virxe. A Misa do domingo está presidida polo Sr. Bispo, Mons. Alfonso Carrasco e cantada pola Polifónica de Rodeiro.Tamén está prevista a intervención da Nova Banda de Vilatuxe e Nova Lira de Prado.
Publicacións Diócesis de Lugo vén de publicar o traballo de Mons. Alfonso Carrasco titulado Para una comprensión cristiana del Camino de Santiago. O Bispo considera a ruta xacobea como “un fenómeno espiritual de primeira orde na Igrexa e a sociedade actual”. Mons. Alfonso Carrasco escribe sobre a peregrinación en xeral, sobre a historia do Camiño de Santiago e sobre a peregrinaxe como tempo de verificación da fe.
A publicación complétase cunha sección que recolle textos do Novo Testamento axeitados para ser lidos, por exemplo, polos peregrinos, varias oracións e un espazo para anotacións persoais.
A Coral do Hospital de Lugo organiza unha gala lírica para o sábado 16 xuño ás 20:00 horas no Círculo das Artes. Co retador título “Dicías… que non che gustaba a ópera?” todos os amantes do bel canto e quen acepte o reto disfrutarán de 14 pezas de ópera, oratorios e cantatas. Os autores destas obras son autores tan coñecidos como Beethoven, Vivaldi, Haendel, Jean-Baptiste Lully, Mozart, Mascagni, Bellini, Puccini, Offenbach, Verdi.
Serán interpretadas pola Orquestra Clásica de Xove dirixida por Xan Carballal e a Coral Polifónica do Hospital de Lugo, dirixida por Fernando G. Jácome. Sopranos: Inés Rouñada, Paloma Suanzes; baixos: Francisco Javier Rodríguez, Julio Méndez Menéndez