El 8 de enero, a las 12 h en la Catedral de Lugo, coincidiendo con el quinto aniversario del fallecimiento del Obispo Fray José Gómez, se celebrará una Eucaristía, presidida por Mons. Alfonso Carrasco, por todos los obispos de nuestra Diócesis fallecidos.
Entrega de aceite de Quiroga á Diocese para a Misa Crismal
No Bispado de Lugo o día 2 de xaneiro recibiuse aceite producido en Quiroga e doado polo Centro Galego de Barcelona. A entrega fixérona Manoel Carrete Rivera (nado en Barcelona pero con raíces na Diocese de Lugo: parroquia de Santa María Madanela , A Seara) e o sacerdote Jesús Río Ramilo, encargado da mencionada parroquia, entre outras de Quiroga.
O aceite recibido será distribuídoa toda a Diocese durante a Misa Crismal do próximo 27 de marzo (Mércores Santo) ás 11 da mañá. Pois nesa Eucaristía ten lugar a bendición do óleo dos enfermos, do óleo dos catecúmenos e a consagración do crisma, óleo con bálsamo que se usará nos bautismos e confirmacións.
Oscar González Murado, novo director do Arquivo Diocesano
Oscar González Murado, novo director do Arquivo Diocesano
- Sustitúe no cargo a José Lebón Sánchez
- Con motivo desde cambio, o Arquivo Diocesano permanecerá pechado ata o día 7 de xaneiro
Óscar González Murado, naceu en 1976 en Santa María de Valonga, Pol. Ordenouse sacerdote no ano 2001 e está a rematar a súa tese de doutoramento na Univ. Gregoriana de Roma.
O Arquivo Histórico Diocesano ten fondos desde o século XVI. O Arquivo está aberto ao público, e de feito son moitos os investigadores, estudantes e outras persoas de moi variada índole que consultan os diversos fondos. A todos eles préstaselles toda clase de atencións. Todos os fondos teñen o seu propio catálogo, a disposición dos investigadores.
Xornada de formación permanente no Seminario sobre o Ano da Fe
Mons. Alfonso Carrasco, Bispo de Lugo dirixiu unha xornada de Formación Permanente para sacerdotes centrada na celebración do ano da fe. Na primeira sesión da mañá constatou que a reflexión sobre a fe é algo que xa non se formula nunha sociedade onde a razón enmarca toda norma de comportamento. Fixo tamén un percorrido pola historia do cristianismo e polos problemas na vivencia da fe ao longo dos séculos, na súa relación coa razón e as desviacións motivadas pola inclinación de moitos autores polo camiño da razón sen ter en conta a revelación. Despois do Vaticano II, proseguiu o Bispo, a teoloxía católica centrou os seus esforzos na centraliade da figura de Xesucristo como Revelación dun Deus – Amor. Enténdese así a fe, ademais do seu compoñente racional, como unha relación de comuñón. A fe preséntase así como un camiño de discipulado, de seguimento de Xesucristo, tal e como se presenta nos Evangelios.
Actividades de Nadal organizadas polo Servizo de Infancia e Xuventude de Cáritas
Con motivo do Nadal dende o Servizo de atención á infancia e xuventude ofértanse unhas Actividades de Nadal para nenos e nenas de idades comprendidas entre os 8 e 12 anos. A idea é ofrecer unha alternativa diferente para o tempo libre. Preténdese fomentar valores positivos, de xeito educativo e lúdico.
Este ano a actividade terá como centro base o Colexio Divino Mestre.
As actividades consistirán en xogos, obradoiros, cancións, saídas, teatro, festa. Serán os días 27 e 28 de decembro en horario de 10 a 13:30 e 16 a 19:30 h.
Cos adolescentes que participaron nas actividades creadas polo Servizo de atención á infancia e xuventude ofértase un Obradoiro de DJ que terá lugar o día 29 de decembro no Centro de Servizos de Cáritas na Avenida das Américas.