Vida e actualidade da Diocese de Lugo
Esta terceira semana de xaneiro pode ler seguidas todas as informacións que inclúe o boletín semanal de información diocesana @nosavoz. Pois pode accederse desde un teléfono móbil que lea códigos QR. Estes códigos son gráficos que representan un labirinto e enfocando o teléfono sobre el, almacénase neste caso o boletín 118 de @nosavoz:
De entre as máis de 120 propostas recibidas, con gran creatividade moitas, o xurado viu 4 ideas moi valiosas que recibirán unha mención de honra e un premio. Unha das propostas foi a idea base que inspirou a fusión das outras tres, até chegar a unha nova idea que servirá para crear o deseño final do logotipo do COF Diocesano. Esta idea recibirá un premio especial. As outras 3 recibirán un premio.
É posible ver unha selección das propostas presentadas visitando a Sede do COF Diocesano, na rúa Anxo López Pérez 12, Local J. Os debuxos están expostos até o día 24 de xaneiro.
Pro-vida Polo dereito a vivir é unha asociación sen ánimo de lucro, cos seguintes fins:
Atender e apoiar á muller en canto sexa posible, ante un embarazo inesperado, ofrecer apoio humano e social, sen discriminación de idade, nacionalidade, raza, ou relixión.
Informar, concienciar á muller sobre as consecuencias nocivas do aborto provocado, e alertar á sociedade, sobre os múltiples riscos que supón contra a saúde e a dignidade humana.
Orientala en canto a medios e axudas que pode recibir e asistencia a nais embarazadas e nais que padecen a síndrome postaborto.
Tentar abrir o abano de alternativas ao aborto provocado.
PROVIDA LUGO está na Praza de Armañá, n° 7, 1º andar, oficina 2
A Casa Diocesana de Lugo acolle desde o día 6 e ata o venres 11 os primeiros exercicios espirituais deste ano 2013. Asisten 12 sacerdotes e dirixe os exercicios D. Luis Ángel Montes Peral. Él é o encargado da Formación Permanente do clero da Diocese de Palencia.
O 8 de xaneiro, ás 12 h na Catedral de Lugo, coincidindo co quinto aniversario do falecemento do Bispo Frei José Gómez, celebrouse unha Eucaristía, presidida por Mons. Alfonso Carrasco, por todos os bispos falecidos da Diocese lucense.
“A personalidade eclesiástica de frei José Gómez de profesor, publicista, conferenciante e, sobre todo, animador relixioso manifestouse con forza e aceptación”. Faro de Vigo
“En Compostela reviven os recordos do frade próximo que acudía ao momento a calquera chamada. A dozura predominaba no seu aspecto e a súa voz resultaba estimulante e amiga”. José M.ª Díaz
Así como os bispos da Diocese de Lugo puxeron a súa esperanza en Cristo e anunciárono aos demais, que eles estean unidos para sempre a El no seu reino. Que o Señor os recompense do seu traballo apostólico entrando a participar no gozo de Deus.