Concerto da Banda Municipal de Lugo e o Orfeón Lucense, organizado por Mans Unidas

O día 26 de maio de 2013, ás oito da tarde, no Salón Rexio do Círculo das Artes de Lugo, celebrarase un Concerto a beneficio dos proxectos que a Delegación de Mans Unidas da Diocese de Lugo financia este ano en Mauritania, Ghana e Uganda.

No mesmo, intervirá a Banda Municipal de Lugo, dirixida por Rosendo Ivorra Jover, e o Orfeón Lucense, dirixido por Marcos Manuel Fernández Mosquera.

As entradas (donativo de 5 euros) poden adquirirse no propio Círculo das Artes desde unha hora antes do concerto.

Xornadas de Oración e Formación da Adoración Nocturna Feminina

Estas xornadas terán lugar os días 25 e 26 de maio na igrexa parroquial de Santiago A Nova de Lugo, segundo o seguinte programa:

Sábado 25 De 10 a 13:15 horas A fe como “don”, a cargo de Alfonso Vilariño

De 16:30 a 20 horas A fe como “virtude”, por Daniel Rodríguez Rodríguez

Ás 18:30, Santa Misa polo eterno descanso da adoradora activa Blanca López

Blanca pertencía á quenda da Inmaculada Concepción e era tesoureira.

Domingo 26 De 10 a 13:30 horas Contidos da fe, por Alfonso Vilariño.

Encontro Vocacional para monagos e mozos

O sábado 25 de maio o Seminario Diocesano de Lugo acolle un Encontro Vocacional para monagos e mozos de 11:30 a 17 h.

Trátase dun encontro que pode axudar a propoñer, acompañar e animar no camiño da vocación sacerdotal aos mozos, especialmente os monagos.

Chámase Encontro Vocacional en vez de o Día do monago porque non se quere perder de vista este horizonte específico que é o Seminario. É un encontro preferentemente para monagos e mozos que poidan ser candidatos ao Seminario ou que manifestaron unha inquietude vocacional sacerdotal.

O horario é o seguinte:

  • 11:00 -Acollida de participantes

  • 11:30 – Comezo do Encontro – Benvida e oración

  • 12:00 – Dinámicas, visita ao Centro…

  • 14:00 – Comida para todos (sacerdotes, participantes e acompañantes)

  • 14:30 – Xogos

  • 16:00 – Despedida

Publícase un novo número da revista Lucensia

Revista da biblioteca do Seminario de Lugo

O martes 21 no auditorio da Fundación Novacaixagalicia, en Lugo presentouse un novo número da revista de cultura e investigación Lucensia. Na portada vese unha foto da ponte romana de Lugo, pois a ela adícanse dous artigos. Un sobre a súa conservación titulado “A ponte de Lugo e a responsabilidade da Mitra episcopal: problemas derivados do seu arranxo”, de Adolfo de Abel. E o profesor de Física Miguel Leiva Torreiro detalla con precisión técnica o alcance das obras de remodelación concluída este ano.

O número 46 Lucensia ábrese cun artigo do teólogo David Varela Vázquez, que escribe sobre a relación entre fe, ciencia e teoloxía, descubrindo implicacións teolóxicas da Física moderna, segundo o profesor Manuel Carreira.

Ler máis

Cáritas presenta os actos con motivo do Día da Caridade

Cáritas Lugo

O 21 de maio presentouse no local de Cáritas Diocesana de Lugo na avenida das Américas a serie de actos que se organizan con motivo de celebrarse proximamente o Día da Caridade:

• Mércores 29 de maio

– Ás 20:00 PREGÓN DA CARIDADE no Salón Rexio do Círculo das Artes a cargo do Cardenal D. Carlos Amigo.

• Xoves 30 de maio

– Dende as 10:30 da mañá ata as 13:30 do mediodía, haberá en Lugo, mesas para recoller donativos, atendidas por persoas voluntarias.

– Ás 18:00 Entrega de diplomas aos nenos e nenas dos colexios de Lugo por parte de D. Alfonso Carrasco Rouco, Bispo de Lugo, no Salón de Actos da Fundación Caixa Galicia.

– Ás 19:00 Actividades para os nenas/as na Praza de Santa María, organizadas polo Servizo de Infancia e Xuventude de Cáritas Diocesana de Lugo.

• Domingo 2 de xuño

– Toda a mañá haberá en Monforte, Melide e Lalín mesas para recoller donativos, atendidas por persoas voluntarias.

– Colectas nas misas de toda a Igrexa Diocesana.

Na foto: Mónica Yáñez, Ginés Plaza e Antón Negro

A %d blogueros les gusta esto: