O 5 de outubro celebrouse na Catedral a Misa solemne en honra a san Froilán, coa Ofrenda ao santo. Na súa homilía, Mons. Alfonso Carrasco Rouco expresou como desexo que haxa paz, amor e se é necesario, sacrificios, evitando que se busque o poder dos uns sobre os outros.
Na Ofrenda estivo presente unha representación do Concello de Lugo, encabezada pola alcaldesa, Lara Méndez e tamén tiveron o seu protagonismo oito nenas da Parroquia de Adai, que levaron ao altar produtos agrícolas.
A música vocal correu a cargo do Orfeón Lucense.
