José Criado (párroco de Merza, Fontao, Anzo, Madriñan, Méixome e San Pedro de Losón) é desde o mes de agosto párroco de Santa Baia de Losón, que ademais da igrexa parroquial, conta coa ermida de N. S. do Corpiño. Polo que José Criado substitúe a José Donsión como rector do coñecido santuario.
E desde os primeiros días de setembro, as parroquias de Santa Baia de Silleda, San Mamede de Moalde, San Miguel de Lamela, San Salvador de Cervaña, San Cibrao de Chapa e San Martiño de Rellas contan cun novo párroco: José Pérez Barreiro, ata agora na parroquia de Santiago A Nova. José Pérez é o Delegado de Catequese da Diocese de Lugo.
