Lugo

O venres 10 de febreiro hai unha Eucaristía ás 18:30 na igrexa de San Francisco Xavier de Lugo. A continuación, será o “Café solidario” nunha cafetería próxima.

Mans Unidas de Lugo colabora no financiamento de dous proxectos en África. Un en Nixeria, de microcréditos, co que se beneficiarán unhas 2500 mulleres de comunidades agrícolas. E outro proxecto en Níxer de construción de cinco pozos no medio rural, para mellorar a vida de 7.500 persoas.

O 12 de febrero é a colecta nos templos da Campaña contra a Fame no Mundo. O recadado o ano pasado na Diocese de Lugo foron 32.519,50 euros.

O día 3 de febreiro, Mans Unidas organiza unha charla no salón de actos da Deputación Provincial de Lugo ás oito da tarde

O misioneiro do Sagrado Corazón de Xesús, Carlos Eduardo Abea Balmacea trata sobre a saúde como un dereito de todos. Ese é un dos obxectivos do milenio.

O sábado 28 de xaneiro están na Rúa da Raíña e na Praza de Santo Domingo de Lugo membros do Movemento Cultural Cristián ofrecendo cultura solidaria. Son publicacións de Edicións Voz de los sin Voz a precio de coste.

Os centros relixiosos de ensino concertado de Lugo celebraron conxuntamente o Día escolar pola paz no pavillón de deportes do Seminario.

Foi o día 26 entre as 12 e as 13 horas com participación de alumnos e alumnas de 6º de Primaria, 1º e 2º da ESO. O acto pola paz deste ano estivo ambientado nos xogos olímpicos, traballando a paz desde o deporte e fomentando unha competitividade sá e ben entendida.

O acto consistiu nunha serie de competicións entre equipos formados por alumnos e alumnas de tódolos colexios convocados. Cada xogo ou competición aportaba un elemento que pasaba a formar parte dun símbolo construído entre todos os participantes: os 5 aros olímpicos coas letras “PAZ 12” no seu interior.

Dende as gradas, os restos dos representantes dos centros animaron ós “competidores” con pancartas e lemas que alusivos á paz.

O venres 27, o alumnado de infantil e primaria escenifica unha serie de obras de teatro. Ás 20 h hai unha pequena celebración cos animadores e animadoras do Centro Xuvenil Ateibo, nos locais da Asociación.

O sábado 28, ás 12.00h serán as actividades semanais dos grupos de Andaina e ADS, esta vez enmarcadas nos xogos tradicionais do Oratorio de Don Bosco.

O luns 30, ás 12.00 na praza da Milagrosa se o tempo o permite, a comunidade educativa fará o tradicional xesto escolar pola paz, con motivo da celebración do Día Escolar pola Paz e a Non Violencia. Este ano o xesto estará moi relacionado co lema do curso “Deixando Pegadas”.

O martes 31 comezan os actos (Eucaristía, celebración da Palabra) na igrexa da Milagrosa. E ás 12.00h no salón de actos do colexio, o alumnado de Secundaria terá o festival de Play-backs.

Finalmente, ós días 2, 6 e 7 de febreiro, repetiranse os festivais para as familias. Estes festivais teñen unha finalidade solidaria, xa que o donativo que as familias fan coas entradas, será destinado a axudar a unha escola de Perú que se atopa nunha situación moi desfavorecida.