Lugo

A Coral do Hospital de Lugo organiza unha gala lírica para o sábado 16 xuño ás 20:00 horas no Círculo das Artes. Co retador título “Dicías… que non che gustaba a ópera?” todos os amantes do bel canto e quen acepte o reto disfrutarán de 14 pezas de ópera, oratorios e cantatas. Os autores destas obras son autores tan coñecidos como Beethoven, Vivaldi, Haendel, Jean-Baptiste Lully, Mozart, Mascagni, Bellini, Puccini, Offenbach, Verdi.

Serán interpretadas pola Orquestra Clásica de Xove dirixida por Xan Carballal e a Coral Polifónica do Hospital de Lugo, dirixida por Fernando G. Jácome. Sopranos: Inés Rouñada, Paloma Suanzes; baixos: Francisco Javier Rodríguez, Julio Méndez Menéndez

O día 10 de maio celebrouse a Festa de San Xoán de Ávila, patrón do clero secular de España e novo doutor da Igrexa.

No Seminario Diocesano foron homenaxeados os curas que celebran as súas vodas de ouro sacerdotais, que son os seguintes:

Victoriano Areñas

Manuel Bodenlle

José López Meiriño

José Antonio López Vila

Antonio Ónega

José Otero Ledo

Juan Marcial Pereira

Leopoldo Sanmartín

Jesús Santiso

José Tirso Villasante

Tamén foron homenaxeados os sacerdotes que celebran as vodas de prata que son:

Ramón Gutiérrez

Rafael Mella

Andrés Ramos

O día 5 de maio, celebrouse a II Xornada Interdiocesana de Radio María Galicia no Seminario Diocesano de Lugo. No transcurso da mesma, e trala presentación e exposición de grupos, houbo diversos talleres de formación -transmisións, gravación, difusión e liturxia-, unha Eucaristía, e visita guiada á Catedral. Na foto, voluntarios de Radio María Galicia.

Ao final da Xornada, celebrouse no salón de actos do Seminario un concurrido encontro cos oíntes. Proxectouse unha curtametraxe promocional dun dos programas de Radio María “Hai moita xente boa”. O director desta curtametraxe é Antonio Cuadri. O P. Esteban Munilla, director da emisora, falou sobre os proxectos de futuro en Galicia.

O mércores 16 ás oito da tarde no Círculo das Artes hai un concerto que servirá para deleitarse coa música e recadar fondos destinados aos dous proxectos que financia a delegación de Lugo de Mans Unidas.

Coa Banda Municipal de Lugo, dirixida por Rosendo Iborra, actuará como solista de canto Lourdes Santos Sanz. O  programa do Orfeón Lucense está a cargo de Marcos Fernández Mosquera.

Hai pezas da banda soa, outras só do Orfeón e varias interpretacións conxuntas das dúas agrupacións musicais.

Entre os días 26 de abril e 12 de maio de 2012, a Delegación de Mans Unidas da Diocese de Lugo instala un mercado benéfico na cidade de Lugo como vén facendo ininterrompidamente desde hai anos.

Nesta ocasión estará situado nas Galerías da Praza de Santo Domingo nº 2 – local 13. O horario de atención ao público é de 11:00 h. a 13:30 h. e de 17:00 h. a 20:30 h. de luns a venres laborables. Os sábados de 11:00 h. a 13:30 h.

Todo o diñeiro recadado será destinado aos dous proxectos que se financian este ano por parte de Mans Unidas da Diocese de Lugo, un en Nixeria e outro en Níxer.

O proxecto de Nixeria céntrase nun programa de microcréditos para mulleres de comunidades agrícolas en Ijebu Noroeste, no estado sureño de Ogun, e ten como beneficiarios a 2.500 persoas. O seu importe é de 33.713 € e Frei Vicent O. Ajayi está á fronte do mesmo.

O proxecto de Níxer consiste na construción de cinco pozos para poboación rural en comunidades e barrios de Tera e ten como beneficiarios a 7.500 persoas. O seu importe é de 75.789 € e o Padre Rafael Marco Casamayor coordínao.

As persoas interesadas en colaborar con esta iniciativa poden entregar no mesmo local de Sto. Domingo todo tipo de obxectos e produtos durante as horas de apertura ao públicos todo os días. Ou ben poñerse en contacto coa Delegación lucense de Mans Unidas no teléfono 982 25 55 67 para coordinar a súa recollida noutro lugar.