Igrexa

Enrique Alarcón, padre sinodal

Na primeira fin de semana de xuño, o padre sinodal Enrique Alarcón estivo en Lugo e Monforte contando a súa experiencia no Sínodo, e algúns dos aspectos foron os seguintes:

“A sinodalidade é vivir na Igrexa responsablemente, asumindo a túa vocación e a túa tarefa diferenciada, como presbítero, relixioso, diácono ou laico. Cada persoa coa súa correspondente responsabilidade. Porque é a única forma de poder vivir en comuñón. Non pode haber comuñón se na Igrexa cada un non asume o que nos corresponde como vocación, como carisma e como don.

“Na Igrexa ninguén é superior a ninguén. E todos nos necesitamos para vivir en fraternidade.

“As tres craves da sinodalidade son comuñón, participación e misión. Hai que vivir o apostolado para vivir a misión evanxelizadora.

“Outros principios da sinodalidade: renovación, transformación, reforma, cambio. A función diso é chegar alí onde se che necesita para estar en actitude de servizo.

“Despois das primeiras comunidades cristiás, é a primeira vez na historia da Igrexa que hai un Sínodo aberto, non só para bispos.

“Non soamente é estar no Sínodo como figurante, senón con dereito de voz e voto. De maneira que o informe de síntese que hai leva o meu voto como o das outras 360 persoas que estabamos alí, bispos, cardeais, homes e mulleres e vida consagrada.

“Por primeira vez, elaborouse un documento votado por todo o Pobo de Deus. Se alguén conta hai uns anos que os laicos van votar nun Sínodo e que o seu voto serve para algo non o cre ninguén. O Papa Francisco críao e nós vimos que iso foi posible”.

Enrique Alarcón presentou Frater en Lugo

O venres 31 de maio na parroquia San Francisco Xavier (Lugo) tivo lugar a presentación de Frater, movemento de apostolado segrar de enfermos e discapacitados. A presentación correu a cargo de Enrique Alarcón García, que presidiu Frater e do que se transcriben aquí algúns momentos da súa intervención:

En Frater descubrín o rostro dun Xesús que liberaba. E por iso namoroume o lema que ten Frater -érguete e anda- que eu interpretei como unha invitación a deixar de lamentarse, deixar de pór a cadeira de rodas na cabeza, e tirar por aí ao mundo a vivir. Non soamente é unha invitación a min, senón a miles e miles de persoas nos 100 anos que vai ter Frater en todo o mundo, nos catro continentes nos que está. Todos temos a mesma experiencia de sentirnos liberados totalmente e de entender que a discapacidade e o que se dispoña para moverse -bastón, cadeira de rodas…- pois é un elemento que facilita a vida. pero que o importante é o ser, a persoa.

En Frater descubrín á parte dun Deus liberador, un Deus que pensaba, un Deus que a min me chamaba a vivir tendo a mente e o corazón na xente que sufría, para acompañar, para escoitar.

E descubrín tamén unha comunidade na que vivir realmente unha vida comunitaria apostólica, de vida, de irmáns, de irmás. Sen iso a Igrexa non ten sentido, non serve.

Frater está dentro da Acción Católica especializada, como a IOAC, a XOC, o Movemento Rural. E nestes movementos si que vivimos a corresponsabilidade diferenciada. O laico pode presidir un movemento. E o sacerdote acompaña, asesora, impulsa a fe, motiva a fe e é un máis.

En Frater inténtase vivir en fraternidade, comunitariamente, dentro da Igrexa, facendo un servizo de escoita, de acompañamento, de facer que a persoa descubra o valor que ten.

Outro dos lemas que temos en Frater é “terás moitas limitacións pero as túas capacidades son superiores a elas”. Un elemento fundamental no noso movemento é a formación en equipo. Non nos xuntamos soamente para contar cousas, para divertirnos, que tamén,  xuntámonos para crecer como irmáns e como irmás.

Presentación en Lugo do movemento Frater

O venres 31 de maio ás 16 h na parroquia San Francisco Xavier (Lugo) terá lugar a presentación de Frater, movemento de apostolado segrar de enfermos e discapacitados. A presentación corre a cargo de Enrique Alarcón García, que presidiu Frater e na actualidade é padre sinodal.

Frater está implantado en catro continentes e en 25 dioceses de España. A súa función principal radica no apostolado segrar, é dicir, ser membros vivos dunha Igrexa viva que sexa expresión do Pobo de Deus encarnado, e dunha maneira moi especial, entre as persoas con discapacidade e/ou grave enfermidade. Forma parte dos movementos de Acción Católica e vive intensamente a súa tarefa evanxelizadora e transformadora da realidade en comuñón eclesial.

Oración das Nais

 

Oración das Nais é un encontro semanal para rezar especificamente polos fillos. Tamén se reza por maridos, netos, afillados e sacerdotes. En Lugo os encontros iniciáronse na capela da igrexa de Santiago A Nova o luns 27 de maio ás sete da tarde e seguirán cada luns no mesmo lugar á mesma hora. Quen desexe incorporarse pode facelo.

Presentación do caderno da campaña “Coidar o traballo. Coidar a vida”

É unha actividade organizada pola IOAC-HOAC de Lugo que se celebrará o sábado 25 de maio ás 5 da tarde no salón parroquial da igrexa da Milagrosa (Lugo).

No Caderno que se presenta ofrecése unha reflexión sobre o que significa coidar o traballo, coidar a vida, para convidar a comprometerse en que creza ese coidado do traballo para a construción do ben común na nosa sociedade. Faise explicitamente desde a proposta da Doutrina Social da Igrexa.

Contidos do Caderno:

  • A cultura do coidado
  • Coidar o traballo

 – Un traballo que coide a casa común

  – Un traballo que coide a sociedade

  – Coidar aos traballadores e traballadoras: o traballo digno

  • A dignidade do traballo
A %d blogueros les gusta esto: