A asociación Hozana convida a unirse ao Desafío de Paulina 2024, unha gran iniciativa de oración que se desenvolve durante outubro, co obxectivo de reunir 50.000 novos devotos que, a través da aplicación Rosario, recen esta oración. O desafío inspírase no legado da Beata Paulina Jaricot, quen en 1862 creou o concepto do “Rosario Vivente”. Esta iniciativa reunía a grupos de persoas para rezar o rosario de maneira colectiva, distribuíndo os misterios entre os participantes, representando así unha cadea de oración ininterrompida e un poderoso vínculo espiritual. Nesa época, o Rosario Vivente foi unha ferramenta importante para revitalizar a fe en Francia e estendeuse rapidamente por todo o mundo, alcanzando millóns de orantes.
As doas do rosario misioneiro enriquecen as decenas con cores, para rezalas por cada continente. Así temos as verdes polo continente africano, as vermellas polo americano, as brancas polo europeo, as azuis por Oceanía e as amarelas por Asia.
Ademais de retiros e vixilias propias, formación… a Irmandade Obreira de Acción Católica organiza ao longo do curso varias actividades que deu a coñecer o 19 de outubro para que participen nelas calquera persoa interesada, milite ou non no devandito movemento.
6 e 7 de decembro: Cursiño para profundizar na Palabra de Deus
Dentro do recorrido formativo, organízase este cursiño o día 6 pola mañá e pola tarde e o día 7 pola maña. Os obxectivos son:
coñecer a comprensión que a Igrexa ten da Palabra de Deus -inspiración, revelación, formación da Biblia, interpretación- poder enfrentarse ao texto bíblico de maneira adulta e desde a fe da Igrexa,
crecer nunha experiencia de fe e de vida alimentada na Palabra de Deus e
ter recursos e ferramentas para o contacto cotiá coa Palabra de Deus desde a experiencia persoal e comunitaria.
21 de febreiro: Presentación do libro Maneiras de Vivir
Existen xa experiencias doutra forma de vivir, evitando caer no consumismo extremo e na degradación da casa común. Non se trata dunha reflexión puramente intelectual sobre a paz e a harmonía, senón de ver onde están levándoo á vida e contribuíndo a unha transformación positiva do mundo.
7 de marzo: Vixilia do Dia Internacional da Muller.
De cara a rezar xuntos para poñer no altar as grandes preocupacións de tantas mulleres que sofren dobremente a precariedade no mundo de hoxe. É unha mensaxe esperanzadora o feito de que a Igrexa considere que a precariedade ten rostro de muller, tema sobre o que cada vez hai máis sensibilidade.
26 de abril: Café – tertulia
Para seguir profundizando na temática que propoña a Irmandade Obreira de Acción Católica a nivel nacional.
Fermín Negre imparte unha charla-meditación o venres 18 de outubro de 5 a 7 da tarde na igrexa de San Froilán (Lugo). Seguirá a participación na Eucaristía concelebrada na parroquia de San Froilán ás 19,30 h
A través de poesías, música, reflexións e historias da súa vida sacerdotal vai construíndo unha charla para convidar á confianza en Deus e á comuñón entre todos os membros da Igrexa e a humanidade. Fermín é membro do grupo de música cristiá Ixcís e compositor de moitas das súas cancións. Sempre lle gusta apoiar as súas charlas e meditacións nalgunhas das súas cancións.
Ao finalizar unha das súas charlas algún dos asistentes afirmaba:
Fermín é un instrumento de Deus nas súas mans, onde por medio da palabra e as súas cancións, Xesús faise máis oco nos nosos corazóns.
En máis de 60 países están convocados os cidadáns a unirse ao “6º Rosario Mundial Mater Fátima” o 13 de outubro na Capela e Santuario da Nosa Señora de Fátima, situado no concello de San Pedro Garza García, pertencente á Arquidiocese de Monterrey, Nuevo León, México.
A intención principal desta convocatoria é: “Polo Triunfo do Inmaculado Corazón de María nos corazóns, a través da Divina Misericordia”.
Rézase en 7 idiomas (español, inglés, francés, coreano, portugués, croata e latin), participan 10 sacerdotes da Arquidiocese de Monterrey e lévase a cabo o 13 de outubro de 2024 por ser a data en que se conmemora o Milagre do Sol en Fátima, (Portugal), está íntimamente vinculado á sexta e última aparición da Virxe María os pastorciños Lucía, Xacinta e Francisco en 1917.
O intre culminante do Rosario Mundial será o acto de consagración persoal a Xesús por medio de María.
O Rosario está organizado polas entidades FRICYDIM e MATER FÁTIMA. A primeira é unha Asociación Pública de Fieis, en orde de converterse nun Instituto Relixioso como Familia Eclesial Contemplativa de Dereito Diocesano.
MATER FÁTIMA é unha comunidade apostólica composta por laicos presentes en máis de 60 países. O seu labor susténtase en tres alicerces principais: a oración, a caridade e a formación.
Representación da Paixón de Xesús a cargo do grupo Arume
Na igrexa parroquial de Nosa Señora das Dores de Lalín, o domingo 6 de outubro ás 18.30 horas o grupo de teatro Arume ofrecerá a representación de Jesús el Cristo co obxectivo de colaborar coa delegación local de Mans Unidas para as súas distintas iniciativas.
O codirector do grupo, Juan García, fundou Arume na primavera do ano 1978 sobre todo con alumnos de institutos da cidade de Pontevedra.
Desde 1979 e até a actualidade Arume representa durante a Semana Santa “La Pasión” texto escrito polo fundador e director do grupo que se varía cada ano e co que percorreu diversos puntos da xeografía galega. O actor que encarna a Xesús, é un dos actores máis veteranos (corenta anos representando a Paixón), e traballa como profesor nun instituto da cidade de Pontevedra. Esta representación figura desde 1998 no Museo que sobre as representacións que se fan da Paixón de Xesús en España teñen o PP. Pasionistas en Zaragoza.
En 1987 representa “Los últimos días de Jesús” orixinal do propio grupo.
Arume foi convidado polas delegacións de mocidade do Bispado de Mondoñedo-Ferrol e do Arcebispado de Santiago de Compostela a representar de forma excepcional “La Pasión”.
Con motivo do Ano mariano de 1982, Arume foi chamado polo Bispado de Pontevedra para unha montaxe sobre A Virxe, tamén colaboro no Musical “Juan Soñador”
Arume organiza ademais cursos de teatro impartidos polo presidente do grupo.
Desde o ano 1998 Arume organiza visitas dos Reis Magos ao Asilo de Anciáns, Cruz Vermella de Vigo, gardarías, Residencias de Anciáns e colabora na Cabalgata de Reis.
No 2003 fóronlle concedidos a Arume a Mención honorífica e a Medalla de ouro da Confraría de N. P. Xesús do Silencio Virxe da Amargura e Cristo da fe de Vigo e o Diploma de honra e Medalla de ouro ao mérito cultural da Federación de comercio de Pontevedra.
En 2009 Arume é galardoado co Premio “Amigos de Pontevedra” polos méritos contraídos para o prestixio e engrandecemento da cidade.
