Igrexa

Normativa ante as novas medidas derivadas da fin do uso obrigatorio da máscara

De acordo ás medidas publicadas no BOE do 20 de abril de 2022, polas que o uso da máscara deixa de ser obrigatorio en interiores, con excepción dunha serie de lugares entre os que non se inclúen os lugares de culto e outros centros de actividade pastoral. Dende a Provincia Eclesiástica, propoñemos os siguintes criterios de actuación:

1.-A máscara deixa de ser obrigatoria. Sen embargo, recoméndase o seu uso:

a) Nas celebracións litúrxicas e noutras actividades pastorais, cando por un tempo prolongado participen nelas persoas vulnerables ante a infección por COVID-19, e non sexa posible manter a distancia de 1,5 metros.

b) Por parte do celebrante ou outros ministros no momento da comuñón e cando na celebración doutros sacramentos haxa proximidade cos fieis. Así mesmo recoméndase o uso de xel hidroalcohólico previa e posteriormente á comuñón dos fieis e ás uncións realizadas nos diferentes sacramentos.

2.- Nos templos e lugares onde se realice calquera actividade pastoral manterase xel hidroalcohólico a disposición dos fieis e garantirase unha adecuada ventilación e limpeza dos mesmos.

3.-Salvo naqueles lugares expresamente citados no Real Decreto 286/2022 do 19 de abril, a saber, residencias de maiores/centros sociosanitarios e hospitais, nos cales nos atemos ás prescricións do lugar, recuperemos con prudencia e normalidade a praxe litúrxica establecida.

4.- Estes criterios de actuación quedan supeditados aos cambios normativos que se vaian producindo de acordo ao establecido polas autoridades sanitarias, e téñense que aplicar con prudencia, responsabilidade e moito sentido común. Sigamos orando ao Deus da vida para que afaste de nós todo perigo e coidémonos uns a outros con responsabilidade.

+ Francisco José Prieto Fernández

Bispo Auxiliar e Vicario Xeral da Arquidiocese de Santiago de Compostela

Juan Luis Martínez Lorenzo

Vicario Xeral da Diocese de Tui – Vigo

José Joaquín Borrajo Iglesias

Vicario Xeral da Diocese de Ourense

José Mario Vázquez Carballo

Vicario Xeral da Diocese de Lugo

Antonio Valín Valdés

Vicario Xeral da Diocese de Mondoñedo – Ferrol

Domingo da Misericordia

“Este domingo pecha a Oitava de Pascua como un único día «en que actuou o Señor», caracterizado polo distintivo da Resurrección e da alegría dos discípulos ao ver a Xesús. San Xoán Paulo II dedicou este mesmo domingo á Divina Misericordia con ocasión da canonización de sor María Faustina Kowalska, no 2000.

“De misericordia e de bondade divina está chea a páxina do Evanxeo de san Xoán (20, 19-31) deste domingo.

“A visita do Resucitado non se limita ao espazo do Cenáculo, senón que vai máis aló, para que todos poidan recibir o don da paz e da vida co «Sopro creador»”. Benedito XVI

Día Internacional da Muller Traballadora

Con motivo do Día Internacional da Muller, Mans Unidas quere poñer o foco nas mulleres empobrecidas, as máis vulnerables e castigadas pola desigualdade imperante no mundo, que condena á fame e a pobreza a millóns de persoas. Unha desigualdade que Mans Unidas está a denunciar coa súa campaña «A nosa indiferenza condénaos ao esquecemento».

[Vídeo]

Pola súa parte, Cáritas lanza a iniciativa “Elas Somos Nós”, para visibilizar as situacións de exclusión que sofren as mulleres ás que Cáritas acompaña grazas á voz dun grupo de mulleres comprometidas coa igualdade de oportunidades.

[Vídeo]

A Irmandade Obreira de Acción Católica de Galicia e a Mocidade Obreira Cristiá difunden un manifesto baixo o título “Derrubemos os muros da precariedade e a desigualdade que vivimos as mulleres traballadoras”. Nel comprométense a “seguir construíndo, na nosa Igrexa e no mundo, a comunidade de iguais que Xesús creou; e, como aquelas mulleres discípulas que anunciaron a súa resurrección, seguir comunicando a esperanza nos nosos ambientes, promover a xustiza social, os dereitos humanos”.

[Manifesto]

Conferencias sobre San Manuel González e a catequese

Do 25 ao 27 de febreiro organízase unha viaxe a Ávila para asistir a tres conferencias que se realizan na Universidade da Mística baixo o título “Itinerario misioneiro de san Manuel como catequista e mestre de catequistas”. As conferencias serán:

1- San Manuel González: catequista eucarístico e eucaristizador por Aurora Mª López Medina. Doutora en Dereito, profesora de Dereito canónico e diplomada en Teoloxía. Universidade de Huelva

2- Regras pedagóxicas, o gran fin da Catequese e a arte ao servizo da Catequese por Sergio Pérez Baena. Vicario episcopal e delegado de catequese e catecumenado (Zaragoza). Licenciado en Catequética

3- O gran medio: a graza, Os dous mellores libros dun bo catequista. O neno e o Evanxeo pola irmá Mónica Mª Yuan Corduviola m.e.n. Doutora en Xornalismo e licenciada en Ciencias Relixiosas. Universidade CEU San Pablo

A saída de Lugo será o venres 25 de febreiro ás 13 horas (Praza de Bretaña) e regrésase o domingo 27 ás 21 horas. Información: Irmá Esther: 619 98 58 81

Alberto Cano SJ fala da pastoral con sanitarios

Alberto Cano S.J. é un diácono e psiquiatra que se formou como médico interno residente no Hospital Universitario La Paz de Madrid. É autor do libro Bajo la bata. Hacer pastoral con sanitarios hoy. Interveu na XL Xornada Interdiocesana de Pastoral da Saúde celebrada recentemente en Santiago e María José Campo falou con él sobre a pastoral con sanitarios, sendo isto  parte do que Alberto Cano contou:

Elementos da pastoral con sanitarios

1) “Atenderá as experiencias reais que están vivindo médicos, enfermeiros, auxiliares, celadores, psicólogos… nos hospitais a que se enfrontan nos momentos de zozobra, querendo vivir a súa vocación con plenitude pero cunhas dificultades que veñen do contexto. Hai que ter en conta as experiencias reais e antropolóxicas dos sanitarios”.

2) “Capacidade de escoita e preguntas xenuínas. Adicar tempo xenuíno para preguntar a médicos e enfermeiros como están, que é o que están vivindo, cales son as súas dificultades”.

3) “Propoñer o mellor da tradición católica como unha capacidade de ofrecer sentido profundo e honesto, espiritualidade e confianza en Deus que vai sostendo todo o que facemos”.

A alma doe

“Non nos doe só algo físico, non nos doe tampouco só o emocional ou psicolóxico; tampouco nos doe só o social (contorna laboral, familiar). Ás veces a alma doe, e son esas situacións nas que nos atopamos co sen sentido, nas que percibimos que dalgunha maneira perdemos a dignidade. A vida ponse costa arriba e non se é capaz de facer unha lectura reconciliada co noso pasado. Aí a alma doe e iso non o poden tratar os internistas, nin os psiquiatras nin os traballadores sociais. Hai outra dimensión que debe ser abordada e o mundo da pastoral da saúde ten unha palabra que dicir en todo isto”.

Labor dos capeláns

“Todo o mundo sabe que hai capeláns no hospital, pero non sempre é doado acceder a eles, non polo capelán, senón porque o entorno de coidados do paciente non ofrece de xeito claro esta posibilidade en temas de dor espiritual, de trascendencia. Coñécese o labor dos capeláns, pero non se accede todo o que se podería. Hai medos, hai prexuízos, pudor, ás veces ofrécese a atención espiritual nun intre no que o paciente está sufrindo e non pode recibir esa atención con paz e sosego. Aí temos o reto de procurar que a figura do capelán moito máis presente nos hospitais, como parte dese coidado integral que desexamos ofrecer. O capelán non pode ser un pegote que está aí para cando o chamen, e debe ser máis accesible para pacientes e familias”.

[Ver reportaxe completa]

 

A %d blogueros les gusta esto: