O Centro Eucarístico Lucense, institución da Diocese de Lugo, organizou o concurso de fotogra[ía “Eucaristía e Patrimonio Relixioso de Lugo” ao que se presentaron máis de sesenta fotografías. Ante a imposibilidade de mostralas todas fíxose unha selección para unha exposición no edificio administrativo da Xunta (Ronda da Muralla, 70, Lugo). O horario é de 9 a 14h
O concurso e a exposición axudan a recoñecer a riqueza do noso patrimonio e unha nova forma de achegarnos a el, a través da obra e visión dos artistas.
Só unhas poucas obras son premiadas segundo os criterios dun xurado, pero detrás de cada fotografía hai un traballo, unha visión que se nos quere mostrar, un agarimo… Por iso, desde o Centro Eucarístico Lucense agradécese a todos a súa participación. (Na foto, momento posterior á entrega de premios).
