O vindeiro venres 10 de xuño no Santuario do Cebreiro haberá un encontro diocesano de clausura do curso pastoral 2021-2022. Celebrarase a Eucaristía e poñerase baixo a poderosa intercesión de Santa María tódalas actividades pastorais da Diocese de Lugo. O encontro desenvolverase do seguinte xeito:
11:00 h: Acollida – Oración.
11:15 h: Reflexión: «Novas propostas educativas da Diocese de Lugo».
12:15 h: Descanso.
12:45 h: Celebración da Santa Misa (Sacerdotes levar alba e estola).
13:30 h: Súplicas a Santa María.
14:00 h: Xantar
Organízase o xantar para os que o desexen e dende Lugo ponse un autobús, que sairá da Praza Bretaña ás 9:15h da maña. O prezo aproximado da comida é de 15€ e o do autobús de 15€ igualmente. É necesario anotarse para a comida e para o desprazamento en autobús antes do 7 de xuño chamando ao teléfono 982 214 265.