Vida e actualidade da Diocese de Lugo
O Centro Eucarístico Lucense convoca o VI Concurso de fotografía coa pretensión de contribuir á promoción da fe e da Eucaristía e recoñecer a riqueza do patrimonio artístico existente na Diocese e na provincia de Lugo.
Ata o 31 de maio poderán participar todas as persoas que o desexen cos seguintes temas
A. O patrimonio relixioso cristián.
B. A Eucaristía.
[Bases]
O venres 17 de maio hai un retiro na Casa Diocesana de Exercicios Espirituais de Lugo. Baixo o título Como vivían os primeiros cristiáns a teor dos Feitos dos Apóstolos? Estará dirixido polo sacerdote da Arquidiocese de Oviedo Andrés Pérez Díaz. O horario do retiro será o seguinte:
10.00 Charla
13.00 Eucaristía
Comida
15.30 Charla
O sábado 11 de maio a Parroquia San Francisco Xavier (Lugo) acolle a celebración do Día da HOAC (Irmandade Obreira de Acción Católica). Durante todo o día desenvólvense os seguintes actos:
10:30 h Acollida
11:15 h Oración
11:30 h Presentación do tema do día: a cultura do encontro para un traballo digno nunha sociedade decente. Presentación dos vídeos da HOAC sobre a Doutrina Social da Igrexa
12:15 h Diálogo
12:45 Descanso
13 h Eucaristía participada
14 h Xantar compartido e sobremesa
16 h Festa e xogos
18 h Despedida
Non é necesaria inscrición previa, simplemente achegarse o 11 de maio polos locais da igrexa de San Francisco Xavier.
O vindeiro 12 de maio a igrexa parroquial de Lalín acollerá o rito de ordenación diaconal do lalinense Alejandro Asorey e o lucense Carlos Jesús Sánchez, seminaristas desde o ano 2007. A celebración comezará ás 7 da tarde e estará presidida polo bispo Mons. Alfonso Carrasco, acompañado do reitor do Seminario Diocesano David Varela, os formadores e un bo grupo sacerdotes.
O feito de celebrarse as ordenacións fóra da cidade de Lugo, onde se fan habitualmente, é un recoñecemento ao traballo feito en favor das vocacións sacerdotais nas comunidades do arciprestado de Deza e aproveitando o ano do centenario da inauguración da igrexa parroquial de Lalín.
O vindeiro domingo día 5 de maio comeza na Parroquia de San Pedro (Lugo) a Novena en honra da Nosa Señora de Fátima. Os actos comezan ás 18:30 h (os domingos ás 17:30 h) co rezo do santo Rosario, exercicio da Novena e celebración da Eucaristía, presidida por José Antonio Adrio.
O día 13, festividade da Virxe de Fátima, ás 11 da mañá celébrase a Misa para os enfermos, na que se imporá a Santa Unción.
Organizan: Apostolado de Fátima, Lexión de María e Fillas de María.