Diocese

Retiro para matrimonios

O sábado 30 de novembro de 10 a 14 h hai un retiro para matrimonios. Será impartido na Capela Maior do Seminario Diocesano de Lugo polo Delegado episcopal de Familia de Toledo, Miguel Francisco Garrigós Domínguez. Está aberto a toda persoa que desexe participar, pero tendo en conta que son os matrimonios os principais destinatarios do retiro.

Previamente, o venres 29 de novembro haberá en Melide a partir das 19 h unha Eucaristía e unha vixilia de oración presididas polo Delegado de Familia de Toledo Miguel Francisco Garrigós Domínguez.

Camiño Contemplativo

A Delegación de Apostolado Segrar, organiza o venres 29 de novembro, un Camiño Contemplativo en Lugo. O percorrido comezará na Carballeira de Fingoi ás 18 h, para finalizar, sobre as 19.30 h, na parroquia de San Francisco Xavier.

Durante o itinerario, por parques e rúas da cidade de Lugo, rezarase desde a realidade dos Dereitos da Infancia: dereito a xogar, a crecer, a unha familia, a sorrir… Trátase de vivir, tamén, unha cercanía ás vítimas de abusos e violencia que hai no noso mundo.

Encontro diocesano ao comezo do Ano Litúrxico

O encontro diocesano ao comezo do Ano Litúrxico terá lugar en Silleda-Corpiño o próximo 2 de decembro. É sempre unha boa ocasión para atoparse, reflexionar e orar xuntos. Presidirá o señor Bispo.

O encontro desenvolverase da seguinte maneira:

11:00. Acollida, Oración e reflexión.

Tema: “Pobo de Deus en Saída”

Lugar: Salón parroquial, casa reitoral de Silleda.

 12:30. Descanso

 13:00. Celebración penitencial na igrexa parroquial de Silleda

 14:15. Comida Fraternal.

 17:00. Eucaristía no Santuario do Corpiño

É unha reunión aberta a sacerdotes, consagrados e laicos.

A comida será nun restaurante de Silleda e o prezo do menú é de 15 euros; tamén desde Lugo ponse un servizo de autobús, o seu prezo é de dez euros, con saída ás 09:15 da mañá desde a Praza de Bretaña e regreso ao final do encontro.

É necesario apuntarse para a comida e o autobús antes do 1 de decembro na Parroquia da Milagrosa (Lugo) ou no Santuario do Corpiño. 

O bispado de Lugo amosa o seu apoio á ONG AXUNICA

O arcebispo de Managua, o cardeal Leopoldo José Breznez, exhortou aos católicos a orar por Nicaragua «para que todos sexamos constructores de paz».

O bispado de Lugo manifesta o seu apoio á ONG lucense AXUNICA na súa loita pola paz e a concordia en Nicaragua. Asimesmo, agradece o traballo destas persoas no seu empeño porque se acade a liberdade e as estruturas xustas nese país suramericano.

Acolléndose á exhortación do cardeal Leopoldo José Bresnes, o bispado desta diocese pide aos fieis que non desistan na súa pregaria a Deus pola paz en Nicaragua e no mundo enteiro.

Encontro Diocesano de Laicos en Lugo

O sábado 16 de novembro tivo lugar en Lugo o Encontro Diocesano de Laicos de Pre-congreso “Pobo de Deus en saída”. Foi no Seminario desde as 10 h até as 17 h.
Trala acollida e un momento de oración, houbo catro representantes doutras tantas realidades diocesanas que expuxeron comunicacións relacionadas cos itinerarios do Congreso: primeiro anuncio (movemento neocatecumenal), acompañamento (pastoral da mocidade), procesos formativos (Acción Católica) e presenza na vida pública (HOAC). A continuación traballouse en grupos para despois poñer en común o tratado.
E concluíuse cunha celebración onde se visualizaron as achegas de movementos (Lexión de María, HOAC, UER, GOA, Hospitalidade Diocesana de Lourdes, Adoración Nocturna Feminina e Alianza en Xesús por María) e parroquias (A Fonsagrada, San Xosé das Gándaras, San Antonio de Padua de Lugo, Santiago A Nova, O Bo Pastor). Esta celebración fíxose seguindo os sucesivos momentos do episodio de Emaús.

A %d blogueros les gusta esto: