No marco da celebración do Mes Misioneiro Extraordinario, o Delegado de Misións Jesús Santiago presentou o 21 de outubro no salón de actos do Seminario unha panorámica da misión ao longo da historia
A Igrexa, que vai facendo o mesmo camiño cá humanidade, ten como misión encarnar o Evanxeo na vida dos pobos.
Do primeiro milenio, destacou Jesús Santiago a comunidade de Antioquía, por canto toda ela xa ten unha gran conciencia misioneira, e envía a Paulo e Bernabé ás misións. E como exemplos de labor de inculturación estarían San Cirilo e San Metodio (século IX).
No 2º milenio, San Francisco de Asís deu un precioso testemuño misioneiro de paz, polo seu encontro co sultán de Exipto, que constitúe o punto de arranque das iniciativas actuais de diálogo entre cristiáns e musulmáns.
Cando a expansión europea por outros continentes, en Roma decide desligar a actividade misioneira das actividades coloniais.
Nos dous últimos séculos temos a dous grandes misioneiros en territorio africano: Comboni e Lavigerie.
E sobre o século XXI Jesús Santiago sinalou novos interrogantes con respecto ao labor misioneiro: como evanxelizar o mundo dixital? Como afrontar a cuestión das persecucións a cristiáns? Que significado ten saír ás periferias?
[Acceder ao texto da conferencia]
