Con motivo da Xornada Mundial da Vida Consagrada, representantes de congregacións e comunidades da Diocese celebraron unha Eucaristía o xoves 2 de febreiro ás 17 h na Catedral.
O Delegado Episcopal para a Vida Consagrada, o relixioso comboniano Ramón Pascual Garrido, presidiu a Eucaristía. E na homilía glosou o lema da xornada: “para camiñar en esperanza hai que estar atentos á escoita da Palabra, aos signos dos tempos, ao que estamos a vivir nas nosas congregacións, nas nosas comunidades… Fíxose moito fincapé no facer, hai que facer fincapé no ser. E todo isto desde a gratuidade”.
