Cáritas

Programa de Emprego de Cáritas Lugo

 O programa de emprego de Cáritas desenvolve varias liñas de axuda á xente que está buscando traballo, desde darlles información para achegalos máis ao mundo laboral ata apoialos cando teñen algunha idea para emprender pola súa propia conta.
A Cáritas pode ir calquera persoa que se atope en situación de desemprego. Cada persoa é acollida, escoitada e sabe que Cáritas é a súa casa. A través de distintas entrevistas vese cal é a súa situación e en que camiño se lle pode acompañar.

Información, asesoramento, formación e apoio económico
Cáritas dá información sobre o emprendemento e espazos de asesoramento para aqueles que xa teñan unha idea e queiran emprender. Algo fundamental é a formación, pois ter unha idea está moi ben, pero para emprender hai que ter moitos conceptos claros. Non se pode emprender sen máis, e entón Cáritas facilita todas as ferramentas necesarias.
Moitas veces os emprendedores non poden levar a cabo a súa idea porque lles falta apoio económico. Cáritas dá axuda económica naqueles proxectos que se ven viables.
Como tantas cousas no mundo actual, non é doado emprender. No ano 2013 xurdiron 3 novos empresarios e actualmente un continúa coa súa actividade. E o apoio económico que lle deu Cáritas está devolvéndoo de xeito regular para que outros emprendedores tamén poidan beneficiarse. 

Ler máis

Xornada de autoemprego organizada por Cáritas

O día 23 de setembro terá lugar no local da avda. das Américas, 93-97 unha xornada de autoemprego co título Por que non?. Trátase dunha actividade incluída no proxecto “Emprégate II”, no marco do Programa de Emprego de Cáritas Diocesana de Lugo.
A xornada será como segue:
10:00-10:15 Acollida e presentación da xornada.
10:15-11:15 Mesa redonda “O emprendemento na actualidade”.
Participan: Dña. Beatriz Varela Regueira, Presidenta da Asociación Mulleres Empresarias de Lugo. Inés Maseda Francos, xerente da Asociación de Novos Empresarios de Lugo. Norman Veiga Álvarez, Subdirector do CEI-NODUS.
11:15-11:30 Descanso
11:30-13:15 Mesa redonda “Historias Reais”.
Participan: Pilar Fernández Neira, (empresa A Cociña de Pilar), Mª José González Antolín, (Empresa A mercería de Chus) e Mª del Carmen Encarnación Sosa, participante de “Emprégate II”.
13:15-13:30 Despedida Proxección Empresa Arranxos “Proxecto Emprégate I”

Campamento urbano organizado por Cáritas

 

Copia de campamento_urbano Caritas

Durante as dúas semanas centrais de xullo está levándose a cabo o Campamento urbano Caritalia, no que participan 70 nenos guiados por 18 monitores con actividades innovadoras, educativas e de relación estreita coas familias.

Os monitores colaboran desinteresadamente para organizar estos Campamentos implicándose na elaboración da programación, trasladando material, encargándose da montaxe de escearios e vídeos, realizando actividades e avaliando

O Servizo de Atención á Infancia e Xuventude de Cáritas agradece especialmente á Directora e Comunidade do Colexio María Auxiliadora que permite telo como lugar de base do Campamento, ao Concello de Lugo pola cesión das instalacións deportivas e ao Colexio Público Cabo da Area en Laxe, onde os nenos pasarán a fin de semana.

O equipo do Servizo de Atención á Infancia e Xuventude é un grupo consolidado, multidisciplinar, con vocación educativa e de servizo comunitario que prioriza a atención personalizada de cada neno e de apoio á conciliación familiar.

Pregón da Caridade

image

A Secretaria Xeral de Xustiza e Paz, Isabel Cuenca Anaya, foi a encargada do Pregón da Caridade 2015. O acto tivo lugar no Círculo das Artes de Lugo o día 3 de maio e tamén estaban na mesa presidencial o señor Bispo, Mons. Alfonso Carrasco; o Delegado de Cáritas, Antón Negro e o director, Ginés Plaza, que ese mesmo día prorrogábase o seu cargo 4 anos máis.

 Isabel Cuenca lembrou a parábola do bo samaritano, que hoxe estaría representado por quen é voluntario de Cáritas.

 A continuación enumerou os antivalores que promove o actual sistema (competitividade malsá, pesimismo ante a posibilidade de cambiar a situación, consumismo de produtos de usar e tirar, consideración da propiedade privada case como algo sagrado [fronte ao común], busca do máximo beneficio aínda a costa da dignidade laboral). En cambio, os valores que necesita a sociedade son os promovidos pola recente instrución pastoral “Igrexa, servidora dos pobres”, que Isabel Cuenca calificou de “valente, útil e precisa”. Tamén recomendou a bula papal sobre o Ano da Misericordia.

[Ver programa completo de actos de Cáritas]

Actos de Cáritas polo Día da Caridade

• Mércores  3 de xuño

– As 20 h PREGÓN DA CARIDADE no Salón Rexio do Círculo das Artes de Lugo. Conferencia a cargo de Dª. Isabel Cuenca Anaya, Secretaria Xeral de Xustiza e Paz.

• Xoves  4 de xuño

Desde as 10:30 da mañá ata as 13:30 h do mediodía, haberá en Lugo, mesas para recoller donativos, atendidas por persoas voluntarias.

Ás 18 h acto da campaña educativa no que se entregarán agasallos aos nenos/as participantes. Será no salón de actos de Afundación, en Lugo.

Ás 19:00 Realización de actividades para os nenos/as, organizadas polo Servizo de atención á Infancia e Xuventude de Cáritas Diocesana de Lugo.

• Domingo  7 de xuño

– Desde as 10:30 h da mañá ata as 14 horas, haberá en Monforte, Sarria, Melide, Silleda e Lalín mesas para recoller donativos, atendidas por persoas voluntarias.

– Colectas nas misas de toda a Igrexa diocesana.

A %d blogueros les gusta esto: