Cáritas

Cáritas Sarria cumpre 50 anos

En 1965 iniciaba o seu labor Cáritas Interparroquial de Sarria polo que celebran as vodas de ouro.

O venres 4 ás 20h hai unha Eucaristía de acción de grazas e en memoria dos voluntarios e colaboradores xa desaparecidos. Esta Misa na igrexa de San Salvador estará oficiada polo Vicario xeral da Diocese.

Ás 21.30 h no hotel Alfonso IX, haberá unha cea benéfica. Parte do recadado dedicarase aos fins solidarios da entidade. Á cea poden acudir voluntarios, colaboradores e cidadanía en xeral. No transcurso da mesma a directiva de Cáritas repasará o feito nestes 50 anos.

Para este mes de decembro programa un mercado solidario e unha nova Operación quilo nos supermercados da vila.

Actuacións de corais a prol de Cáritas parroquial

Copia de concertos solidarios

As corais do Concello de Lugo dan concertos gratuítos nas parroquias da cidade e unicamente se pide que os asistentes deixen un Kg. ou un paquete de alimentos non perecedeiros, que a propia Parroquia repartirá entre os mais necesitados.

Os concertos son os seguintes:

22 de novembro, igrexa de S. Pedro, 12,30 h. Orfeón Lucense, (Misa) e Solo Voces, (Concerto)

28 de novembro, igrexa da Milagrosa, 19,30 h. Coral Xolda, (Misa) e Orfeón Xoán Montes, (Concerto)

29 de novembro, igrexa do Sagrado Corazón, 12 h. Coral do Hospital, (Misa) e Coral Amigos do Camiño, (Concerto)

5 de decembro, igrexa de S. Antonio de Padua, 19 h. Coro San Antonio, (Misa) e Coral Ecos do Miño Astelu, (Concerto)

6 de decembro, igrexa de S. Francisco Xavier, 12,30 h. Coral Amigos do Camiño (Misa) e Orfeón Lucense (Concerto)

12 de decembro, igrexa de S. Froilán, 20,30 h. Coral Ecos do Miño Astelu (Misa) e Orfeón Xoán Montes (Concerto)

13 de decembro, igrexa de S. Lourenzo de Albeiros, 12,45 h. Coral Cantar Delas (Misa) e Conxunto Vocal Lugh, (Concerto)

19 de Decembro, igrexa de Santiago A Nova-Fontiñas, 18,30 h. Schola Gregoriana Lucensis, (Misa) e Coro de S. Antonio (Concerto)

Exposición fotográfica “Tralas luces: soños e medos de mulleres”

Exposición Muller

A Área de Muller de Cáritas Diocesana de Lugo organiza unha exposición fotográfica itinerante, onde once mulleres en contextos de prostitución -algunha delas vítimas de trata de seres humanos- mostran os seus soños e os seus medos a través de fotografías realizadas co móbil. Así mesmo, as participantes desta acción explican as súas imaxes con comentarios escritos polo seu puño e letra.

Esta exposición pode verse na Biblioteca Intercentros do Campus de Lugo (ata o 13 de novembro).

Os doce paneis que compoñen a exposición fotográfica van acompañados de material informativo sobre a prostitución, a explotación sexual e a trata de persoas.

Programa de Emprego de Cáritas Lugo

 O programa de emprego de Cáritas desenvolve varias liñas de axuda á xente que está buscando traballo, desde darlles información para achegalos máis ao mundo laboral ata apoialos cando teñen algunha idea para emprender pola súa propia conta.
A Cáritas pode ir calquera persoa que se atope en situación de desemprego. Cada persoa é acollida, escoitada e sabe que Cáritas é a súa casa. A través de distintas entrevistas vese cal é a súa situación e en que camiño se lle pode acompañar.

Información, asesoramento, formación e apoio económico
Cáritas dá información sobre o emprendemento e espazos de asesoramento para aqueles que xa teñan unha idea e queiran emprender. Algo fundamental é a formación, pois ter unha idea está moi ben, pero para emprender hai que ter moitos conceptos claros. Non se pode emprender sen máis, e entón Cáritas facilita todas as ferramentas necesarias.
Moitas veces os emprendedores non poden levar a cabo a súa idea porque lles falta apoio económico. Cáritas dá axuda económica naqueles proxectos que se ven viables.
Como tantas cousas no mundo actual, non é doado emprender. No ano 2013 xurdiron 3 novos empresarios e actualmente un continúa coa súa actividade. E o apoio económico que lle deu Cáritas está devolvéndoo de xeito regular para que outros emprendedores tamén poidan beneficiarse. 

Ler máis

Xornada de autoemprego organizada por Cáritas

O día 23 de setembro terá lugar no local da avda. das Américas, 93-97 unha xornada de autoemprego co título Por que non?. Trátase dunha actividade incluída no proxecto “Emprégate II”, no marco do Programa de Emprego de Cáritas Diocesana de Lugo.
A xornada será como segue:
10:00-10:15 Acollida e presentación da xornada.
10:15-11:15 Mesa redonda “O emprendemento na actualidade”.
Participan: Dña. Beatriz Varela Regueira, Presidenta da Asociación Mulleres Empresarias de Lugo. Inés Maseda Francos, xerente da Asociación de Novos Empresarios de Lugo. Norman Veiga Álvarez, Subdirector do CEI-NODUS.
11:15-11:30 Descanso
11:30-13:15 Mesa redonda “Historias Reais”.
Participan: Pilar Fernández Neira, (empresa A Cociña de Pilar), Mª José González Antolín, (Empresa A mercería de Chus) e Mª del Carmen Encarnación Sosa, participante de “Emprégate II”.
13:15-13:30 Despedida Proxección Empresa Arranxos “Proxecto Emprégate I”

A %d blogueros les gusta esto: