O novo edificio do consistorio lalinense ten o seu acto de bendición e inauguración oficial o venres 20 de setembro a partir das 20h, coa presenza do Bispo da Diocese, Mons. Alfonso Carrasco Rouco.
Esta emblemática construción, que xa ten recibido varios premios, contará cunha iluminación monumental: varios focos tinguirán de luz e de cores diversas as fachadas circulares do coñecido como “castro dixital”, desde que caia o sol e ata que rematen os actos festivos, que se inician esta fin de semana.